തിരുവനന്തപുരം:മുന്നണിക്കുള്ളിൽ ഘടകകക്ഷികൾ തമ്മിൽ മത്സരിക്കരുതെന്ന പാഠമാണ് പാലാ തിരഞ്ഞെടുപ്പ് ഫലത്തിൽ നിന്ന് പഠിക്കേണ്ടതെന്ന് യു.ഡി.എഫ് കൺവീനർ ബെന്നിബഹനാൻ പറഞ്ഞു.

മുന്നണികൾ തമ്മിലാവണം മത്സരം. പാർട്ടികൾക്കുള്ളിലെ പ്രശ്നങ്ങൾ അവർ തന്നെയാണ് നോക്കേണ്ടത്. പാലായിലെ തോൽവി അംഗീകരിക്കുന്നു.എന്നാൽ ഇതൊരു രാഷ്ട്രീയ പരാജയമെന്ന് വിശ്വസിക്കുന്നില്ല.തോൽവിയെക്കുറിച്ച് ഗൗരവത്തിൽ പരിശോധിക്കും.അടുത്തു നടക്കുന്ന അഞ്ചു ഉപതിരഞ്ഞെടുപ്പുകളെയും പാലായിലെ ഫലം ബാധിക്കില്ല.പാലായിൽ ബി.ജെ.പി വോട്ടുകച്ചവടം നടത്തിയതായി സി.പി.എം ആരോപിക്കുന്നതിനെക്കുറിച്ചുള്ള ചോദ്യത്തിന് , മാണി.സി.കാപ്പൻ ആരുമായിട്ടാണ് പാലം വച്ചതെന്ന് സി.പി.എം പറയണമെന്നായിരുന്നു ബെന്നിബഹനാന്റെ മറുപടി.