കിളിമാനൂർ: കരവാരം പഞ്ചായത്ത് പ്രസിഡന്റ്, കരവാരം പഞ്ചായത്ത് സർവീസ് സഹകരണ ബാങ്ക് പ്രസിഡന്റ്, സി.പി.എം കരവാരം ലോക്കൽ സെക്രട്ടറി എന്നീ നിലകളിൽ പ്രവർത്തിച്ച പി.ജി. ശ്രീധരന്റെ രണ്ടാം ചരമവാർഷികം ആചരിച്ചു. സി.പി.എം കരവാരം ലോക്കൽ കമ്മിറ്റിയുടെ നേതൃത്വത്തിൽ സംഘടിപ്പിച്ച അനുസ്‌മരണ യോഗം സി.പി.എം കിളിമാനൂർ ഏരിയാസെക്രട്ടറി അഡ്വ. എസ്. ജയചന്ദ്രൻ ഉദ്ഘാടനം ചെയ്‌തു. ഏരിയാകമ്മിറ്റി അംഗം എസ്. മധുസൂദനക്കുറുപ്പ്, ലോക്കൽ കമ്മിറ്റി സെക്രട്ടറി അഡ്വ. എസ്.എം. റഫീക്ക്, ലോക്കൽ കമ്മിറ്റി അംഗം ഡോ. ആർ. പ്രകാശൻ, പഞ്ചായത്ത് വൈസ് പ്രസിഡന്റ് എസ്. സുരേഷ് കുമാർ തുടങ്ങിയവർ സംസാരിച്ചു.