ചേർത്തല: സി.പി.ഐ - എ.ഐ.വൈ.എഫ് നേതാക്കൾക്ക് നേരെ മയക്കുമരുന്നു സംഘത്തിന്റെ ആക്രമണം.സി.പി.ഐ ബ്രാഞ്ച് സെക്രട്ടറി പട്ടണക്കാട് പഞ്ചായത്ത് പത്താം വാർഡിൽ കുന്നുംപുറത്ത് ചിറയിൽ വീട്ടിൽ സുഭാഷ്(40),എ.ഐ.വൈ.എഫ് അത്തിക്കാട് യൂണി​റ്റ് പ്രസിഡന്റ് ആശാരിപറമ്പിൽ സത്യൻ മകൻ സജീഷ് (33)എന്നിവർക്കാണ് പരിക്കേ​റ്റത്. ഇവരെ ചേർത്തല താലൂക്ക് ഗവ. ആശുപത്രിയിൽ പ്രവേശിപ്പിച്ചു. സി.പി.ഐ നേതാവ് അത്തിക്കാട് വിശ്വന്റെ അനുസ്മരണ സമ്മേളനം കഴിഞ്ഞ് മടങ്ങുമ്പോഴായിരുന്നു ആക്രമണം.നിരവധി ക്രിമിനൽ കേസുകളിൽ പ്രതിയായ ഗുണ്ടാ നേതാവിന്റെ നേതൃത്വത്തിലാണ് ആക്രമണമെന്ന് പൊലീസ് പറഞ്ഞു.