ചേർത്തല : എൻ.ജി.ഒ യൂണിയന്റെയും റെഡ് സ്​റ്റാർ എൻ.ജി.ഒ കലാവേദിയുടേയും ആഭിമുഖ്യത്തിൽ നടന്ന സംസ്ഥാന സർക്കാർ ജീവനക്കാരുടെ ജില്ലാ കലോത്സവം 'സർഗോത്സവം - 2019 സിനിമാ താരം അനൂപ് ചന്ദ്രൻ ഉദ്ഘാടനം ചെയ്തു. എൻ.ജി.ഒ. യൂണിയൻ ജില്ലാ പ്രസിഡന്റ് പി.സി.ശ്രീകുമാർ അദ്ധ്യക്ഷത വഹിച്ചു. സംസ്ഥാന സെക്രട്ടേറിയ​റ്റംഗം കെ. വാമദേവൻ,സംസ്ഥാന കമ്മി​റ്റിയംഗങ്ങളായ എസ്.ഉഷാകുമാരി,എൽ.മായ,പി.സജിത്ത് എന്നിവർ സംസാരിച്ചു. യൂണിയൻ ജില്ലാ സെക്രട്ടറി എ.എ.ബഷീർ സ്വാഗതവും ജോയിന്റ് സെക്രട്ടറി എസ്.രഞ്ജിത്ത് നന്ദിയും പറഞ്ഞു. ലളിതഗാനം,ശാസ്ത്രീയ സംഗീതം,നാടൻപാട്ട്,കവിതാപാരായണം,മാപ്പിളപ്പാട്ട്,തബല,ചിത്രരചന,ജലഛായം, കാർട്ടൂൺ തുടങ്ങിയ ഇനങ്ങളിൽ മത്സരങ്ങൾ നടന്നു.