ഹരിപ്പാട്: എസ്.എൻ.ഡി.പി.യോഗം ചേപ്പാട് യൂണിയന്റെ നേതൃത്വത്തിൽ ശ്രീനാരായണ ദർശന പഠന കേന്ദ്രത്തിൽ ആത്മോപദേശശതകം സാധാനായജ്ഞം ആരംഭിച്ചു. വിശ്വപ്രകാശം.എസ്.വിജയാനന്ദാണ് ആചാര്യൻ. ആത്മോപദേശശതകത്തിലെ ഓരോ ജ്ഞാനവല്ലരിയും മനനം ചെയ്ത് അർത്ഥം ഗ്രഹിച്ച് സാധനാ അനുഷ്ഠാനം ചെയ്യുന്ന സമ്പ്രദായമാണ് യജ്ഞത്തിൽ നടത്തുന്നത്. സമ്മേളനം യൂണിയൻ പ്രസിഡന്റ് എസ്.സലികുമാർ ഉദ്ഘാടനം ചെയ്തു. യൂണിയൻ സെക്രട്ടറി എൻ.അശോകൻ അദ്ധ്യക്ഷനായി. യോഗം ഡയറക്ടർമാരായ എം.കെ ശ്രീനിവാസൻ, ഡി.ധർമ്മരാജൻ, കൗൺസിലർാരായ പി.എൻ അനിൽകുമാർ, അഡ്വ.യു.ചന്ദ്രബാബു, ആർ.ഓമനക്കുട്ടൻ, വനിതാസംഘം യൂണിയൻ പ്രസിഡന്റ് സി.മഹിളാമണി എന്നിവർ സംസാരിച്ചു.