ചേർത്തല:കേരള സ്റ്റേറ്റ് സർവീസ് പെൻഷനേഴ്സ് യൂണിയൻ(കെ.എസ്.എസ്.പി.യു) മാരാരിക്കുളം വടക്ക് യൂണിറ്റ് കുടുംബ മേള സംസ്ഥാന ജനറൽ സെക്രട്ടറി ആർ.രഘുനാഥൻനായർ ഉദ്ഘാടനം ചെയ്തു.യൂണിറ്റ് പ്രസിഡന്റ് വി.കെ.മോഹനദാസ് അദ്ധ്യക്ഷനായി.മുതിർന്ന പെൻഷൻകാരിയായ സി.ജെ.ബാലാമണി പൊഴിക്കലിനെയും ശ്രേഷ്ഠ സാഹിത്യ സമ്മാൻ ലഭിച്ച മാലൂർ ശ്രീധരനെയും ചടങ്ങിൽ ജില്ല ജോയിന്റ് സെക്രട്ടറി എൻ.പരമേശ്വരൻ ആദരിച്ചു.യൂണിറ്റ് അംഗങ്ങളുടെ മക്കളിൽ മികച്ച വിജയം നേടിയവരെ വി.സുകുമാരൻനായർ അനുമോദിച്ചു.ബ്ലോക്ക് സെക്രട്ടറി എം.വി.സോമൻ,ഖജാൻജി എം.കെ.തങ്കപ്പൻ എന്നിവർ സംസാരിച്ചു.പി.വി.സുരേന്ദ്രൻ സ്വാഗതവും എൻ.ഭാസ്ക്കരൻനായർ നന്ദിയും പറഞ്ഞു.