മാരാരിക്കുളം: മാരാരിക്കുളം രക്തസാക്ഷികൾക്ക് അഭിവാദ്യമർപ്പിച്ച് എസ്.എൽ പുരത്ത് നടന്ന പ്രകടനത്തിലും പുഷ്പാർച്ചനയിലും പൊതുസമ്മേളനത്തിലും ആയിരങ്ങൾ അണിനിരന്നു.

വാർഡ് വാരാചരണ കമ്മി​റ്റികളുടെ നേതൃത്വത്തിൽ വാദ്യമേളങ്ങളുടെ അകമ്പടിയോടെ പ്രകടനമായി വന്നവർ മാരാരിക്കുളം വെടിവെയ്പ് നടന്ന സ്ഥലത്തും എസ്.എൽ പുരത്തെ രക്തസാക്ഷി മണ്ഡപത്തിലും പൂക്കളർപ്പിച്ച് രക്തസാക്ഷികൾക്ക് അഭിവാദ്യമേകി. ഇരു കമ്മ്യൂണിസ്​റ്റു പാർട്ടികളുടെയും വർഗ ബഹുജന സംഘടനകളുടെയും നേതാക്കളും പുഷ്പാർച്ചന നടത്തി. തുടർന്ന് നടന്ന പൊതുസമ്മേളനം മന്ത്റി ടി.എം.തോമസ് ഐസക് ഉദ്ഘാടനം ചെയ്തു.

പുന്നപ്ര വയലാർ സമരത്തെ അധിക്ഷേപിക്കുന്നവർക്ക് കാലം മറുപടി നൽകുമെന്നും ചരിത്രത്തിൽ ഇവരുടെ സ്ഥാനം ചവ​റ്റുകുട്ടയിൽ ആയിരിക്കുമെന്നും തോമസ് ഐസക് പറഞ്ഞു. വാരാചരണ കമ്മിറ്റി പ്രസിഡന്റ് ഡി. ഹർഷകുമാർ അദ്ധ്യക്ഷനായി. പന്ന്യൻ രവീന്ദ്രൻ മുഖ്യപ്രഭാഷണം നടത്തി. മന്ത്റി പി.തിലോത്തമൻ, ആർ.നാസർ, എ.ശിവരാജൻ,ടി.ജെ.ആഞ്ചലോസ്, എ.എം.ആരിഫ് എം.പി,ജി.വേണുഗോപാൽ,ജി.കൃഷ്ണപ്രസാദ്,വി.ജി.മോഹനൻ,എസ്. പ്രകാശൻ,ജലജ ചന്ദ്രൻ,പി.വി.സത്യനേശൻ, വി.പി.ചിദംബരൻ,കെ.ബി.ഷാജഹാൻ എന്നിവർ സംസാരിച്ചു. സെക്രട്ടറി എസ്.രാധാകൃഷ്ണൻ സ്വാഗതം പറഞ്ഞു.