മാവേലിക്കര: ചെട്ടികുളങ്ങര ദേവിക്ഷേത്രത്തിൽ നടക്കുന്ന മഹാഭാരതം തത്ത്വസമീക്ഷ അന്താരാഷ്ട്ര സാംസ്ക്കാരികോത്സവത്തിന്റെ യജ്ഞശാലക്കുള്ള പന്തലിന്റെ കാൽ നാട്ടുകർമ്മത്തിന്റെ ഘോഷയാത്ര ഇന്ന് നടക്കും.രാവിലെ 7.30ന് തിരുവൻവണ്ടുർ ക്ഷേത്രസന്നിധിയിൽ നിന്നും ആരംഭിക്കുന്ന ഘോഷയാത്ര വിഥികളിലുളള ക്ഷേത്രങ്ങളിലെ സ്വീകരണങ്ങൾ ഏറ്റുവാങ്ങി മറ്റം നരസിംഹസ്വാമി ക്ഷേത്രത്തിൽ എത്തിച്ചേരും. അവിടെ നിന്ന് മറ്റം തെക്ക്, പേള, ആഞ്ഞിലിപ്രാ, കടവൂർ, കണ്ണമംഗലം വടക്ക്, കണ്ണമംഗലം തെക്ക് എന്നീ കരകളിലെ സ്വീകരണങ്ങൾ ഏറ്റുവാങ്ങി കണ്ണമംഗലം മഹാദേവക്ഷേത്രത്തിൽ എത്തിച്ചേരും.

നാളെ രാവിലെ 7ന് ഘോഷയാത്ര കൈതതെക്ക്, മേനാമ്പള്ളി, നടക്കാവ്, ഈരേഴ തെക്ക്, ഈരേഴ വടക്ക്, കൈതവടക്ക് എന്നി കരകളിലെ സ്വീകരണങ്ങൾ ഏറ്റുവാങ്ങി 10ന് ക്ഷേത്രസന്നിധിയിൽ എത്തിച്ചേരും. തുടർന്ന് 11.40നും 12നും മദ്ധ്യേ കാൽനാട്ടു കർമ്മം നടത്തും.