മാവേലിക്കര: ഉപതി​രഞ്ഞെടുപ്പുകൾക്ക് ശേഷം വിജയാഹ്ലാദത്തിന്റെ പേരിൽ വീടുകളിൽ എത്തി ഭീഷണിപ്പെടുത്തുന്ന സംഭവത്തിൽ എസ്.എൻ.ഡി.പി യോഗം മാവേലിക്കര യൂണിയൻ പ്രതിഷേധിച്ചു. വള്ളികുന്നം കടുവിനാൽ ശ്യാംനിവാസിൽ ശ്രീകുമാരി, ശ്യാംപ്രകാശ് എന്നിവർക്ക് നേരെയാണ് ഭീഷണി ഉയർത്തുന്നത്. സംഭവത്തിൽ അന്വേക്ഷണം നടത്തി കു​റ്റവാളികൾക്കെതിരെ നിയമനടപടി എടുക്കണമെന്നും യൂണിയൻ ആവശ്യപ്പെട്ടു. യൂണിയൻ വൈസ് പ്രസിഡന്റ് ഷാജി.എം പണിക്കരുടെ അദ്ധ്യക്ഷതയിൽ കൂടിയ യോഗത്തിൽ വള്ളികുന്നം മേഖലാ കൺവീനർ സദാനന്ദൻ വള്ളികുന്നം, ​ടി​.ഡി വിജയൻ എന്നിവർ പങ്കെടുത്തു.