ഹരിപ്പാട്: ഇടിമിന്നലിൽ വീടിന് നാശം. മുട്ടം വാഴൂർകിഴക്കേതിൽ ഉദയന്റെ വീടിനാണ് കേടുപാടുകൾ സംഭവിച്ചത്. അടുക്കള ഭാഗത്താണ് ഇടി ഏശിയത്. സ്ലാബിലെ കോൺക്രീറ്റ് പൊട്ടി തെറിച്ചു. ഭിത്തിക്കും പൊട്ടൽ ഉണ്ടായി. അടുക്കളയിൽ ഉണ്ടായിരുന്ന ഇലക്ട്രി​ക് ഉപകരണങ്ങൾക്കും പാത്രങ്ങൾക്കും കേടുപാട് സംഭവിച്ചു. ഇലക്ട്രി​ക് കണക്ഷനുകൾ പൂർണമായും കത്തി നശിച്ചു. ഈ സമയം വീട്ടിൽ ഉദയന്റെ ഭാര്യയും മകളും മാത്രമാണ് ഉണ്ടായിരുന്നത്. ആർക്കും പരിക്കില്ല. ഉദയന്റെ സഹോദരൻ മോഹനന്റെ സമീപത്തെ വീടിനും ഇടിമിന്നലിൽ കേടുപാട് ഉണ്ടായി.