മാവേലിക്കര: ബി.ജെ.പി മാവേലിക്കര ഏരിയ കമ്മിറ്റി ഭാരവാഹികളുടെയും കൗൺസിലർമാരുടെയും നേതൃത്വത്തിൽ മാവേലിക്കര നഗരസഭാ ചെയർപേഴ്സനെയും സെക്രട്ടറിയേയും ഉപരോധിച്ചു. മാവേലിക്കരയിലെ തെരുവ് വിളക്കുകൾ അടിയന്തിരമായി കത്തിക്കുക, മാവേലിക്കര നഗരസഭാ പരിസരത്തെ മാല്യന്യങ്ങൾ നീക്കം ചെയ്യുവാനുള്ള നടപടികൾ സ്വീകരിക്കുക, മഹാത്മ അയ്യങ്കാളി തൊഴിലുറപ്പ് പദ്ധതി പുനരാരംഭിക്കുക, തൊഴിലാളികളുടെ വേതന കുടിശിഖ നൽകുക, നഗരസഭാ ക്രിമിറ്റോറിയത്തിന്റെ കേടുപാടുകൾ പരിഹരിക്കുക, സംസ്കാരത്തിനായി താത്കാലികമായി ഇരുമ്പ് പെട്ടി സ്ഥാപിക്കുക തുടങ്ങി ആവശ്യങ്ങൾ ഉന്നയിച്ചുകൊണ്ടാണ് ഉപരോധ സമരം നടത്തിയത്.
ബി.ജെ.പി ഉന്നയിച്ച ആവശ്യങ്ങൾക്ക് അടിയന്തിര പരിഹാരം നൽകാമെന്ന ഉറപ്പിൻമേലാണ് സമരം അവസാനിപ്പിച്ചത്. ബി.ജെ.പി മാവേലിക്കര നിയോജക മണ്ഡലം ജനറൽ സെക്രട്ടറി അഡ്വ.കെ.കെ അനൂപ്, സെക്രട്ടറി അഡ്വ.കെ.വി.അരുൺ, പാർലമെന്ററി പാർട്ടി നേതാവ് എസ്.രാജേഷ്, വടക്കൻ ഏരിയാ പ്രസിഡന്റ് കെ.എം ഹരികുമാർ, ഏരിയ ജനറൽ സെക്രട്ടറിമാരായ ജീവൻ.ആർ ചാലിശേരി, സന്തോഷ് കുമാർ മറ്റം, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ വിജയമ്മ ഉണ്ണിക്യഷ്ണൻ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ജയശ്രീ അജയകുമാർ, കൗൺസിലർമാരായ രാജേഷ് കുമാർ, ഉമയമ്മ വിജയകുമാർ, ലത, ശ്രീരജ്ഞിനിയമ്മ, സുജാത ദേവി, ഭാരവാഹികളായ എസ്.ആർ അശോക് കുമാർ, ഹരീഷ് മറ്റം, ദേവരാജൻ എന്നിവർ നേതൃത്വം നൽകി.