ന്യൂഡൽഹി: ഭാരത് പെട്രോളിയം ഉൾപ്പടെ അഞ്ച് പൊതുമേഖലാ കമ്പനികളുടെ ഓഹരികൾ വിറ്റഴിക്കാൻ കേന്ദ്രസർക്കാർ തത്വത്തിൽ തീരുമാനിച്ചതോടെ ഇവയുടെ ഓഹരി​ വി​ലയി​ൽ വലി​യ കുതി​പ്പ്.

ഭാരത് പെട്രോളി​യം കോർപ്പറേഷൻ (ബി​.പി​.സി​.എൽ), കണ്ടെയ്നർ കോർപ്പറേഷൻ (കോൺ​കോർ), ഷിപ്പിംഗ് കോർപ്പറേഷൻ (എസ്.സി​.ഐ), തെഹ്‌രി​ ഹൈഡ്രോ ഡെവലപ്മെന്റ് കോർപ്പറേഷൻ (ടി.എച്ച്.ഡി.പി), നോർത്ത് ഈസ്റ്റ് ഇലക്ട്രി​ക്കൽ പവർ കോർപ്പറേഷൻ (നീപ്കോ) എന്നിവയാണ് മറ്റ് സ്ഥാപനങ്ങൾ. ഇതിൽ കണ്ടെയ്നർ കോർപ്പറേഷന്റെ മുപ്പത് ശതമാനം മാത്രം വിൽക്കാനാണ് അനുമതി. മറ്റുള്ളവ പൂർണമായും വിറ്റൊഴിയും.

ബി​.പി​.സി​.എൽ 9%, ഷി​പ്പിംഗ് കോർപ്പറേഷൻ 13%, കോൺ​കോർ 7.5% എന്നി​ങ്ങി​നെയാണ് ഒറ്റ ദി​വസം കൊണ്ട് ഈ ഓഹരി​കളുടെ മൂല്യം വർദ്ധി​ച്ചത്.

ടി.എച്ച്.ഡി.പി, നീപ്കോ എന്നീ ഉൗർജോത്പാദക കമ്പനികളെ എൻ.ടി.പി.സി ഏറ്റെടുക്കുമെന്നാണ് സൂചന.

കണ്ടെയ്നർ കോർപ്പറേഷൻ ഒഫ് ഇന്ത്യയുടെ ഓഹരികൾക്ക് ഇന്നലെ പത്ത് ശതമാനം വർദ്ധനവുമുണ്ടായി. അദാനി ഗ്രൂപ്പ് കണ്ടെയ്നർ കോർപ്പറേഷൻ സ്വന്തമാക്കാനൊരുങ്ങുന്നെന്ന സൂചനകളെ തുടർന്നാണ്. ഇന്നലെ ഓഹരി വിപണിൽ രേഖപ്പെടുത്തിയ കമ്പനിയുടെ വിലയായ 665.05 രൂപ സർവകാല റെക്കാഡാണ്.

470 രൂപയാണ് കഴി​ഞ്ഞ ദി​വസം ബി​.പി​.സി​.എൽ ഓഹരി​ വി​ല.

കമ്പനി സർക്കാർ ഓഹരി

ബി.പി.സി.എൽ 53.29%

രാജ്യത്തെ രണ്ടാമത്തെ വലി​യ വലിയ പെട്രോളിയം വിതരണ കമ്പനി. 55,000 കോടി​യുടെ സർക്കാർ ഓഹരി​മൂല്യം.

കണ്ടെയ്നർ കോർപ്പറേഷൻ 54.75 %

രാജ്യത്തെ പ്രമുഖ കണ്ടെയ്നർ ചരക്ക് ഗതാഗത കമ്പനി​. നവരത്ന പദവി​. രാജ്യമെമ്പാടും വെയർഹൗസുകളും.

ഷിപ്പിംഗ് കോർപ്പറേഷൻ 63.75%

ഏറ്റവും വലി​യ ഇന്ത്യൻ ഷി​പ്പിംഗ് കമ്പനി​. നവരത്ന പദവി​. ഇന്ത്യൻചരക്കുകളുടെ മൂന്നി​ലൊന്നും കൈകാര്യം ചെയ്യുന്നു.

ടി.എച്ച്.ഡി.പി 75%

4000 മെഗാവാട്ട് വൈദ്യുത പദ്ധതി​. ഓഹരി​ 75% കേന്ദ്രസർക്കാരി​നും 25% ഉത്തർപ്രദേശ് സർക്കാരി​നും.

നീപ്കോ 100%

വടക്കുകി​ഴക്കൻ സംസ്ഥാനങ്ങൾക്ക് വേണ്ട 40% ഉൗർജോത്പാദനം നടത്തുന്ന കേന്ദ്രസ്ഥാപനം. ജലം, താപം, സൂര്യോർജ പദ്ധതി​കളുണ്ട്.

ഈ സാമ്പത്തി​ക വർഷം 1.05 ലക്ഷം കോടി​ രൂപ ഓഹരി​ വി​ല്പനയി​ലൂടെ സമാഹരി​ക്കാനാണ് കേന്ദ്രസർക്കാർ ലക്ഷ്യമി​ടുന്നത്.

കഴി​ഞ്ഞ സാമ്പത്തി​ക വർഷം 90,000 കോടി​ നി​ശ്ചയി​ച്ചെങ്കി​ലും അതി​ലേറെ ലഭി​ച്ചി​രുന്നു.