കൊച്ചി: ഗാന്ധിജയന്തി വാരാചരണത്തിന് ജില്ലയിൽ തുടക്കമായി. ശുചീകരണ പ്രവർത്തനങ്ങളുടെ ജില്ലാതല ഉദ്ഘാടനം കളക്ടറേറ്റ് വളപ്പിൽ കളക്ടർ എസ്.സുഹാസ് നിർവഹിച്ചു. ഗാന്ധി ദർശനങ്ങൾക്ക് പ്രസക്തി ഏറിവരികയാണെന്നും അവ ഉൾക്കൊള്ളണമെന്നും അദ്ദേഹം പറഞ്ഞു.അഡീഷണൽ ജില്ലാ മജിസ്‌ട്രേറ്റ് കെ. ചന്ദ്രശേഖരൻ നായർ അധ്യക്ഷത വഹിച്ചു.

കളക്ടറേറ്റ് വളപ്പിൽ നടന്ന ശുചീകരണ യജ്ഞത്തിൽ ഭാരത് മാതാ കോളേജ് എൻ.എസ്.എസ്. യൂണിറ്റ് അംഗങ്ങൾ, തൃക്കാക്കര സെന്റ്. കാതറൈൻസ് ഹയർ സെക്കൻഡറി സ്‌കൂൾ എൻ എസ് എസ് വാളണ്ടിയർമാർ, നെഹ്രു യുവകേന്ദ്ര വാളണ്ടിയർമാർ, ജെ.സി.ബി ഓണേഴ്‌സ് അസോസിയേഷൻ ഭാരവാഹികൾ, എച്ച്.പി.സി.എൽ വാളണ്ടിയർമാർ, കളക്ടറേറ്റ് ജീവനക്കാർ, വിവിധ വകുപ്പ് ഉദ്യോഗസ്ഥർ തുടങ്ങിയവർ പങ്കാളികളായി. കളക്ടറേറ്റ് വളപ്പിലെ മാലിന്യക്കൂമ്പാരവും നീക്കം ചെയ്തു.

നെഹ്രു യുവകേന്ദ്ര വാളണ്ടിയർമാർ, വിവിധ വിദ്യാഭ്യാസ സ്ഥാപനങ്ങളിലെ എൻ.എസ്.എസ്, എൻ.സി.സി യൂണിറ്റംഗങ്ങൾ എന്നിവരുടെ സംയുക്താഭിമുഖ്യത്തിൽ കളമശേരി മുതൽ കളക്ടറേറ്റ് വരെ കൂട്ടയോട്ടം നടത്തി.