മൂവാറ്റുപുഴ: മുളവൂരിൽ നിന്ന് മലപ്പുറം സ്വദേശികളായ റിഷാദ്, സുഫിയാൻ എന്നിവരെകഞ്ചാവുമായി​ പി​ടി​ച്ചു. എക്‌സൈസ് സർക്കിൾ ഇൻസ്‌പെക്ടർ വൈ. പ്രസാദിന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് 22ഗ്രാം കഞ്ചാവുസഹിതം പ്രതികൾ പിടിക്കപ്പെട്ടത്. മുളവൂരിൽപൊതുസ്ഥലത്ത് പരസ്യമായി മദ്യപിച്ച കുറ്റത്തിന് ജെൻസ് ജോസ്, അജ്മൽ എന്നിവർക്കെതി​രെ കേസെടുത്തു. പൊതുസ്ഥലത്ത് പുകവലിച്ചതിനു നാല് പേർക്കെതി​രെയും കേസെടുത്തു.

പരിശോധനയിൽ പ്രി​വന്റിവ് ഓഫീസർ വി.എ ജബാർ, സിവിൽ എക്‌സൈസ് ഓഫീസർമാരായ ശ്രീകുമാർ എൻ, അഭിലാഷ് ടി.ആർ, യൂസഫലി എം.എ, രാജേഷ് കെ.കെ,മാഹിൻ പി.ബി,അജി.പി.എൻ,ജയൻ എം.സി എന്നിവർ പങ്കെടുത്തു.മദ്യമയക്കുമരുന്ന് കുറ്റകൃത്യങ്ങളിൽ ഏർപ്പെടുന്നവരെക്കുറിച്ചുള്ള വിവരങ്ങൾ 04852832623,9400069564 നമ്പരുകളിൽ പൊതുജനങ്ങൾക്ക് അറിയിക്കാവുന്നതാണെന്ന് എക്‌സൈസ് സർക്കിൾ ഇൻസ്‌പെക്ടർ അറിയിച്ചു.