കൊച്ചി: വാഹന പിഴയടയ്ക്കാൻ ഇനി​ എ.ടി​.എം കാർഡുകൾ കൈയി​ലുണ്ടായാലും മതി​. നവംബർ ഒന്നു മുതൽ

ആയി​രത്തോളം പി.ഒ.എസ് മെഷീനുകൾ (സ്വൈപിംഗ് മെഷീൻ)​ ഇതിനായി പൊലീസുകാർക്ക് നൽകും. എച്ച്.ഡി.എഫ്.സി ബാങ്കിലൂടെയാണ് പദ്ധതി​ നടപ്പാക്കുന്നത്. പിഴത്തുക ബാങ്കുവഴി തത്സമയം സംസ്ഥാന ട്രഷറിയിൽ എത്തും

.

ട്രാഫിക് കുറ്റങ്ങളുടെ പി​ഴത്തുക കുത്തനെ വർദ്ധിപ്പിച്ചതോടെ പലർക്കും കൈയോടെ പണമായി​ അടയ്ക്കാൻ സാധിക്കാതായി. ഈ സാഹചര്യത്തിലാണ് പൊലീസ് സ്വൈപിംഗ് മെഷീന്റെ സാദ്ധ്യത അന്വേഷിച്ചത്. തമിഴ്നാട് പൊലീസ് സ്വൈപിംഗ് മെഷീൻ ഉപയോഗിക്കുന്നുണ്ട്.

റീട്ടെയ്ൽ ബിസിനസ് രംഗത്ത് ഇപ്പോഴുള്ളവയെക്കാൾ ആധുനി​ക സ്വൈപിംഗ് മെഷീനുകളാണ് ട്രാഫിക് പൊലീസി​ന് നൽകുന്നത്. ആൻഡ്രോയ്ഡ് ഫോണായും ഇത് ഉപയോഗിക്കാം. കാമറയും മെഷീനിലുണ്ട്. ട്രാഫിക് നിയമലംഘനങ്ങളുടെ വീഡിയോയും ഫോട്ടോയും ഒറ്റ ക്ലിക്കിൽ സേവ് ചെയ്യാം.

സൗകര്യപ്രദം

• പൊലീസിന് ചെലാൻ പ്രിന്റിംഗ് കുറയ്ക്കാം

• പണം പൊലീസിന് കൈയി​ൽ വാങ്ങേണ്ട

• പിഴയടയ്ക്കാൻ ട്രാഫിക് സ്റ്റേഷനിൽ പോകേണ്ട

"മെഷീനുകൾ എല്ലാ ജില്ലയിലും ഉടൻ വിതരണം ചെയ്യും. ഉദ്യോഗസ്ഥർക്കും വാഹന ഉപഭോക്താക്കൾക്കും ഇത് ഏറെ പ്രയോജനം ചെയ്യും".

- ബൽറാംകുമാർ ഉപാധ്യായ

ഐ.ജി, ട്രാഫിക് ഇൻചാർജ്