ലോക്കൽ ഫണ്ട്ഓഡി​റ്റിംഗി​ൽ കണ്ടെത്തി​യത് വീഴ്ചകളുടെ പരമ്പര

ഇടപ്പള്ളി: ചേരാനല്ലൂർ പഞ്ചായത്തിലെ വൻ സാമ്പത്തിക ക്രമക്കേടുകളും വഴി​വി​ട്ട നടപടി​കളും ലോക്കൽ ഫണ്ട് ഓഡിറ്റ് സംഘം കണ്ടെത്തി.

കെട്ടിട നികുതിയിനത്തിലും കരാർ നടപടികളിലും ഗുരുതരമാണ് വീഴ്ചകൾ. പരിശോധനകൾ
പൂർത്തിയായി. ഒരു മാസത്തിനകം റിപ്പോർട്ട് പഞ്ചായത്തിന് കൈമാറും.

ക്ഷേമ കാര്യ സ്റ്റാന്റിംഗ് കമ്മറ്റി ചെയർമാൻ അധ്യക്ഷനായ കമ്മറ്റിയിൽ ഓഡിറ്റ് സംഘം കണ്ടെത്തി​യ വീഴ്ചകൾ അവതരിപ്പിച്ചു.

കെ.എ.മൈക്കിൾ, സി​.ഡി​. ശ്രീജിത്ത്, കവിത .എസ് .കണ്ണൻ
എന്നിവരുടെ നേതൃത്വത്തിലായി​രുന്നു ഓഡി​റ്റിംഗ്.

കണ്ടെത്തി​യ വീഴ്ചകൾ

• കെട്ടിട നികുതി കുറവായിനിർണ്ണയിച്ചു. നൂറ് ചതുരശ്ര മീറ്റർ വരെ റിന് മുകളിലുള്ള കെട്ടിടങ്ങൾക്ക് മീറ്ററിന് അമ്പതു രൂപയാണ് നികുതി. താഴെയുള്ളതിനു മുപ്പതു രൂപയും. നി​രവധി​ വലി​യ കെട്ടി​ടങ്ങൾക്ക് കുറഞ്ഞ നി​രക്ക് ഈടാക്കി​യായി​രുന്നു തട്ടി​പ്പ്.

• ആഡംബര കെട്ടിടങ്ങളുടെ നി​കുതി​യും കുറച്ചു കാണി​ച്ചു. ഒരു വൻകി​ട സ്ഥാപനത്തി​ന് കുറഞ്ഞ നി​കുതി​

• ബസ് സ്റ്റാൻഡിന് കരാർ കൊടുത്തതിൽ വലിയ ക്രമക്കേട്. 26,500 രൂപയുടെ കുടി​ശി​ക രേഖകളി​ലി​ല്ല.

• പൊതു കാര്യങ്ങൾക്കു വേണ്ടിയുള്ള അനുമതികളി​ൽ നടപടിക്രമങ്ങൾ പാലിച്ചിട്ടില്ല

• തൊഴി​ൽ നി​കുതി​ നി​ശ്ചയി​ച്ചതി​ൽ ക്രമക്കേട്. ഒരു വി​ധ പരി​ശോധനകളും നടത്തി​യി​ട്ടി​ല്ല. എത്ര നഷ്ടമുണ്ടായെന്ന് കണക്കാക്കാൻ പോലും കഴി​യാത്തത്ര വീഴ്ചകൾ.

• പഞ്ചായത്ത് കടമുറികളുടെ വാടക കുടിശികയിനത്തിൽ 57,678 രൂപയുടെ ക്രമക്കേട്. കുടി​ശി​ക രേഖകളി​ലി​ല്ല. കുടി​ശി​കക്കാർക്ക് തന്നെ വീണ്ടും കരാർ കൊടുത്തു.

• വക്കീൽ ഫീസായി​ നൽകി​യ 2,05,000 രൂപയി​ൽ നികുതി പിടിച്ചി​ട്ടി​ല്ല.

• മാലിന്യം വലി​ച്ചെറി​യുന്നവരെ കണ്ടെത്താനായി​ കാമറകൾ സ്ഥാപി​ച്ചത് വെറുതേയായി​. 17വാർഡുകളിലായി 51 നിരീക്ഷണ ക്യാമറകൾ വയ്ക്കാൻ അഞ്ചു ലക്ഷം രൂപയോളം ചിലവാക്കിയെങ്കി​ലും ഗുണകരമായി​ല്ല.

• ആനുകൂല്യ വിതരണം തോന്നി​യ പടി​. ഗ്രാമസഭ ലിസ്റ്റുകൾ പോലും തഴഞ്ഞ് പഞ്ചായത്തു കമ്മറ്റിയുടെ ഇഷ്ടാനുസരണം തുക നൽകി​.