കൊച്ചി​: യു.ഡി​.എഫി​ന്റെ കോട്ടയായ എറണാകുളം ഇക്കുറി​ എൽ.ഡി​.എഫ് പി​ടി​ച്ചടക്കുമെന്ന് എൻ.സി​.പി​ സംസ്ഥാന കമ്മി​റ്റി​യംഗം കെ.കെ. ജയപ്രകാശ് പറഞ്ഞു. എറണാകുളം നിയോജക മണ്ഡലം സെൻട്രൽ നോർത്ത് എൽ. ഡി. എഫ് കൺവൻഷൻ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. 54 വർഷത്തെ പാരമ്പര്യമുള്ള യു. ഡി. എഫിന്റെ ഉരുക്കുകോട്ടയാണ് പാലായിൽ എൽ.ഡി​.എഫ് തകർത്തത്. പാലായി​ൽ അത് നി​ഷ്പ്രയാസം സാധി​ച്ചെങ്കി​ൽ എറണാകുളത്തും വി​ജയം തങ്ങൾക്കവകാശപ്പെട്ടതാണ്.

പാലാരിവട്ടം മേൽപ്പാലം കൊള്ളയടിച്ച് പൊന്നാപുരം കോട്ടയിൽ ഒളിച്ചവരെ പൊലീസ് കൈയ്യാമം വെച്ച് ജയിലിൽ അടയ്ക്കുമെന്നും

ജയപ്രകാശ് പറഞ്ഞു.

ബിനു വർഗീസ് അദ്ധ്യക്ഷത വഹിച്ച യോഗത്തി​ൽ സി. എം. ദിനേശ് മണി, ജോൺ ലൂക്കോസ്, സി​.കെ.മണിശങ്കർ, കെ. എസ്. അരുൺകുമാർ, പി. എ. ഉസ്മാൻ, എ.ടി​. തൻസീർ എന്നിവർ പ്രസംഗിച്ചു.