കൊച്ചി: ശ്രീപരമേശ്വരന്റെ ജ്ഞാനമൂർത്തി സങ്കൽപ്പത്തിലുള്ള തിരുവൈരാണിക്കുളം ശ്രീ ദക്ഷിണാമൂർത്തി ക്ഷേത്രത്തിൽ നൂറ്റാണ്ടുകൾക്ക് ശേഷം നടന്ന നവരാത്രി ആഘോഷങ്ങൾക്ക് ഭക്തജനത്തിരക്ക്.

നിരവധി കുഞ്ഞുങ്ങളാണ് വിദ്യാരംഭത്തിന് എത്തിച്ചേർന്നത്. സനൽ പോറ്റി കുഞ്ഞുങ്ങളുടെ നാവിൽ ആദ്യക്ഷരം കുറിച്ചു.

ജ്ഞാനമൂർത്തി സങ്കൽപ്പത്തിലുള്ള സ്വരൂപ പ്രതിഷ്ഠയുള്ള കേരളത്തിലെ തന്നെഎക ദക്ഷിണാ മൂർത്തി ക്ഷേത്രമാണിത്.

വൈദേശിക ആക്രമണത്തിൽ തകർക്കപ്പെട്ട് കാട് മൂടിക്കിടന്ന ക്ഷേത്രം ഈ വർഷം ആണ് നാട്ടുകാരുടെ ശ്രമഫലമായി മനോഹരമായി പുനർനിർമ്മിച്ചത്. ദക്ഷിണാമൂർത്തിയും പ്രധാന പ്രതിഷ്ഠയായ മഹാദേവനും കൂടാതെ മഹാഗണപതിയും ഇവിടയുണ്ട്.

എൻ.പി.ഒ.എൽ പ്രോജക്ട് ഡയറക്ടർ കൃഷ്ണമോഹനൻ എമ്പ്രാന്തിരി ദക്ഷിണാമൂർത്തി മാഹാത്മ്യ പ്രഭാഷണം നടത്തി.