മൂവാറ്റുപുഴ: ലോക കാഴ്ച ദിനത്തോടനുബന്ധിച്ച് അഹല്യ ഫൗണ്ടേഷൻ കണ്ണാശുപത്രി ഒരുക്കുന്ന സൗജന്യ നേത്രചികിത്സാതിമിര നിർണ്ണയ ക്യാമ്പ് നാളെരാവിലെ 9 മുതൽ ഉച്ചയ്ക്ക് ഒന്ന് വരെ മൂവാറ്റുപുഴ നഗരസഭ 12ാം വാർഡിലെ മണിയംകുളം ഹെൽത്ത് സെന്ററിൽ നടക്കും. ക്യാമ്പിന്റെ ഉദ്ഘാടനം നഗരസഭാ പൊതുമരാമത്ത് സ്റ്റാന്റിംഗ് കമ്മിറ്റി ചെയർമാൻ സി.എം.സീതി നിർവ്വഹിക്കും. അഹല്യ ഫൗണ്ടേഷൻ അഡ്മിൻ ഷിബു രാജേന്ദ്രൻ അദ്ധ്യക്ഷത വഹിക്കും. അഹല്യ ഫൗണ്ടേഷൻ സോണൽ ഹെഡ് അഭിജിത്ത് ബാബു മുഖ്യപ്രഭാഷണം നടത്തും.