കൊച്ചി: ഇന്ത്യൻ സൂപ്പർ ലീഗിന്റെ ആറാം പതിപ്പ് കൊഴുപ്പിക്കാൻ കേരള ബ്ലാസ്റ്റേഴ്‌സ് ആരാധകർക്കായി എക്‌സ്‌ക്ലൂസീവ് പെയ്ഡ് അംഗത്വ പരിപാടിയായ 'കെ.ബി.എഫ്‌.സി ട്രൈബ്‌സ് പാസ്‌പോർട്ട്' അവതരിപ്പിച്ചു. പാസ്‌പോർട്ട് സ്വന്തമാക്കുന്ന ആരാധകർക്ക് ടീമുമായി ഇടപഴകാൻ അവസരം ലഭിക്കും. അംഗത്വം എടുത്തവർക്ക് മറ്റുള്ളവർക്ക് ലഭിക്കുന്നതിലും അധികം പ്രത്യേക അവസരങ്ങൾ ലഭിക്കും. ഹോം മാച്ചുകൾക്ക് സ്റ്റേഡിയത്തിൽ ഏറ്റവും ആദ്യം മികച്ച സീറ്റുകൾ ബുക്ക് ചെയ്യാൻ കഴിയും.പാസ്‌പോർട്ട് പ്ലാറ്റ്‌ഫോമിലൂടെ ലഭിക്കുന്ന ആക്‌സസ് കോഡ് ഉപയോഗിച്ച് പേ ടി എം ഇൻസൈഡർ ആപ്ലിക്കേഷനിലൂടെ എളുപ്പത്തിൽ ടിക്കറ്റുകൾ ബുക്ക് ചെയ്യാം. ക്ലബിന്റെ തീരുമാനങ്ങൾ കൈക്കൊള്ളുന്ന ചില തിരഞ്ഞെടുക്കപ്പെട്ട പ്രവർത്തനങ്ങളിൽ പങ്കാളിയാകാനും അവസരം ലഭിക്കും.

പാസ്‌പോർട്ട് സ്വന്തമാക്കുന്നവർക്ക് അതിശയിപ്പിക്കുന്ന ഉത്പന്നങ്ങൾ അടങ്ങിയ അംഗത്വ കിറ്റ് ലഭിക്കും. ക്ളബ് സംഘടിപ്പിക്കുന്ന പരിപാടികളിലേക്കുള്ള പ്രവേശനം, വ്യാപാര പങ്കാളികളിൽ നിന്നും മികച്ച ഓഫറുകൾ, ഇഷ്ട കളിക്കാരുടെ ചിത്രങ്ങൾ, വീഡിയോകൾ, ക്ലബിന്റെ പ്രഖ്യാപനങ്ങൾ, ന്യൂസ് ലെറ്ററുകൾ, മറ്റ് മത്സര പദ്ധതികൾ എന്നിവയും ലഭ്യമാകും

ആരാധകർക്ക് 999 രൂപനിരക്കിൽ www.keralablastersfc.in എന്ന വെബ്‌സൈറ്റ് ലിങ്കിലൂടെ ട്രൈബ്‌സ് പാസ്‌പോർട്ട് അംഗത്വം നേടാമെന്ന് അധികൃതർ അറിയിച്ചു.