കാലടി: കാലടി ടൗണിലെ ഗതാഗതക്കുരുക്കിന് ശാശ്വത പരിഹാരം ആവശ്യപ്പെട്ട് സേവ് പീപ്പിൾ ആക്ഷൻ കൗൺസിൽ രൂപീകരിച്ചു. ആക്ഷൻ കൗൺസിലിന്റെ ആഭിമുഖ്യത്തിൽ ജനപ്രതിനിധി സഭ ചേർന്നു. കോ ഓപ്പറേറ്റീവ് ബാങ്ക് ഓഡിറ്റോറിയത്തിൽ വച്ച് നടന്ന ജനപ്രതിനിധിസഭ ഫാ. ഡോ. ജോൺ പുതുവ ഉദ്ഘാടനം ചെയ്തു. ആക്ഷൻ കൗൺസിൽ ചെയർമാൻ അഡ്വ. ജോസ് ചാക്കോ അദ്ധ്യക്ഷത വഹിച്ചു. മല - നീലിശ്വരം, കാലടി,കാഞ്ഞൂർ ഗ്രാമ പഞ്ചായത്തിലെ പ്രസിഡന്റുമാർ, അംഗങ്ങൾ, ജില്ലാ പഞ്ചായത്ത്, ബ്ലോക്ക് പഞ്ചായത്ത്, പ്രതിനിധികൾ വിവിധ സംഘടനാ ഭാരവാഹികൾ എന്നിവർ പങ്കെടുത്തു. ഗതാഗതക്കുരുക്കിനെതിരെ ശക്തമായ പ്രചാരണ പരിപാടികൾ നടത്താനും കൺവെൻഷനുകളും സമരങ്ങളും സംഘടിപ്പിക്കാനും തീരുമാനിച്ചു. കെ. ഷാജി, ജി.എസ്. സദാനന്ദൻ, ശാരദാ മോഹൻ, ചെറിയാൻ, എം.പി. ലോനപ്പൻ, ബാബു അബ്ബാസ് മൗലവി, ബിജു മാണിക്കമംഗലം, മിനി ബിജു, ബിജോയ്, എം. ജയചന്ദ്രൻ തുടങ്ങിയവർ പ്രസംഗിച്ചു