മൂവാറ്രുപുഴ: എസ്.എൻ.ഡി.പി .യോഗം മൂവാറ്റുപുഴ യൂണിയന്റെ നേതൃത്വത്തിലുള്ള വിവാഹപൂർവകൗൺസിലിംഗ് ക്ലാസിന്റെ 54-ാമത് ബാച്ച് 12,13 തിയതികളിൽ എസ്.എൻ. ബിഎഡ് കോളേജ് ഓഡിറ്റോറിയത്തിൽ നടക്കും. 12ന് രാവിലെ 9.30ന് യൂണിയൻ പ്രസിഡന്റ് വി.കെ. നാരായണൻ ഉദ്ഘാടനം നിർവ്വഹിക്കും. യൂണിയൻ വെെസ് പ്രസിഡന്റ് പി.എൻ.പ്രഭ അദ്ധ്യക്ഷത വഹിക്കും. യൂണിയൻ സെക്രട്ടറി അഡ്വ. എ.കെ. അനിൽകുമാർ സ്വാഗതം പറയും. യോഗം ഡയറക്ടർ ബോർഡ് മെമ്പർമാരായ അഡ്വ.എൻ.രമേശ്, പ്രമോദ് തമ്പാൻ, യൂണിയൻ കൗൺസിലർമാരായ എം.ആർ.. നാരായണൻ, പി.ആർ. രാജു,ടി. വി. മോഹൻ, വി.എൻ. വിജയൻ, എ. സി. പ്രതാപചന്ദ്രൻ, യൂണിയൻ വനിതസംഘം പ്രസിഡന്റ് നിർമ്മല ചന്ദ്രൻ, സെക്രട്ടറി ഇൻ ചാർജ് ഭാനുമതി ഗോപിനാഥ്, യൂത്ത് മൂവ്മെന്റ് പ്രസിഡന്റ്എം.ആർ.സിനോജ്, സെക്രട്ടറി ശ്രീജിത് പി.എസ് എന്നിവർ സംസാരിക്കും. തുടർന്ന് ബിജു പുളിക്കലേടത്ത് ഗുരുദേവ ദർശനം കുടുംബജീവിതത്തിൽ എന്ന വിഷയത്തെ കുറിച്ച് ക്ലാസെടുക്കും. ഉച്ചകഴിഞ്ഞ് രണ്ടിന് ക്ലിനിക്കൽ സെെക്കോളജിസ്റ്റ് റവ.ഫാ. ഡോ. എഡ്വേർഡ് ജോർജ്ജ് സ്ത്രീ- പുരുഷ മന:ശാസ്ത്രത്തെ കുറിച്ച് ക്ലാസെടുക്കും. 13 ന് രാവിലെ 9 ന് മൂവാറ്റുപുഴ എസ്.എൻ.ബിഎഡ് കോളേജ് പ്രിൻസിപ്പൽ ഡോ. സുരാജ് ബാബുവും , ഉച്ചക്ക് 2ന് മൂവാറ്റുപുഴ ജനറൽ ആശുപത്രിയിലെ ഗെെനക്കോളജിസ്റ്റ് ഡോ. പ്രിൻസ് സ്ലീബയും ക്ലാസെടുക്കും. വെെകിട്ട് 4ന് നടക്കുന്ന സമാപന സമ്മേളനത്തിൽ ഡോ. ഡി. സെബാസ്റ്റ്യൻ സർട്ടിഫിക്കറ്റുകൾ വിതരണം ചെയ്യും. യൂണിയൻ പ്രസിഡന്റ് വി.കെ. നാരായണൻ അദ്ധ്യക്ഷത വഹിക്കും. സെക്രട്ടറിഅഡ്വ. എ.കെ. അനിൽകുമാർ സ്വാഗതം പറയും. യൂണിയൻ വനിത സംഘം പ്രസിഡന്റ് നിർമ്മലചന്ദ്രൻ നന്ദി പറയും.