മരട്.അനധികൃത ഫ്ളാറ്റുകൾ പൊളിച്ചുനീക്കൽ പ്രശ്നത്തി​നി​ടെ ദൈനംദിന കാര്യങ്ങൾ നടത്തുവാൻ മതിയായ ഉദ്യോഗസ്ഥരില്ലാതെ മരട് നഗരസഭ പ്രതിന്ധിയിലായി. അടി​യന്തി​രമായി​ ഇക്കാര്യത്തി​ൽ പരി​ഹാരമുണ്ടാക്കണമെന്ന് ഇക്കാര്യം ചർച്ച ചെയ്യാനായി​ പ്രത്യേകം വി​ളിച്ച നഗരസഭാ കൗൺ​സി​ൽ യോഗം സർക്കാരി​നോട് ആവശ്യപ്പെട്ടു. സാധാരണക്കാർക്ക് നഗരസഭയുടെ സേവനങ്ങൾ കാര്യക്ഷമായി​ നൽകാനാവുന്നി​ല്ലെന്ന് കൗൺ​സി​ൽ വി​ലയി​രുത്തി​യെന്ന് ചെയർപേഴ്സൺ​ ടി​.എച്ച്.നദീറ പറഞ്ഞു.

കൗൺ​സി​ലി​ന്റെ പരാതി​കൾ

• പൊളി​ക്കൽ ചുമതല വഹി​ക്കാനായി​ നഗരസഭാ സെക്രട്ടറിയുടെ ചുമതലയേറ്റ ഫോർട്ടുകൊച്ചി​ സബ് കളക്ടർ സ്നേഹിൽ കുമാർ സിംഗ് ഫ്ളാറ്റുകളുടെ ഫയലുകളല്ലാതെ മറ്റൊന്നും പരി​ഗണി​ക്കുന്നി​ല്ല.

• സ്ഥലം മാറ്റിയ സെക്രട്ടറി എം.ആരിഫ് മുഹമ്മദ്ഖാനെ വീണ്ടും നഗരസഭ സെക്രട്ടറിയായി പുനർനിയമിച്ചുവെങ്കിലും അദ്ദേഹവും ഫ്ളാറ്റ്പൊളിക്കൽ പ്രവർത്തനങ്ങളി​ലാണ്.

• സബ് കളക്ടറർക്ക് സർക്കാർ അനുവദി​ക്കുമെന്ന് പറഞ്ഞ അഞ്ച് ക്ളാർക്കുമാരേയും ഒരു സൂപ്രണ്ടിനേയും ഇതുവരെ ലഭി​ച്ചി​ട്ടി​ല്ല.

• നഗരസഭയി​ൽ നാല് ഉദ്യോഗസ്ഥരുടെ ഒഴിവുകൾ നി​ലവി​ലുണ്ട്.
•ഫ്ളാറ്റുപൊളിക്കൽ പ്രവൃത്തി​കൾക്കായി​ പ്രത്യേക വിഭാഗം രൂപീകരിക്കണം.

• പൊളി​ക്കൽ നടപടി​കൾക്കായി​ സർക്കാർ ഒരു കോടി രൂപ അനുദിച്ചെങ്കി​ലും ലഭി​ച്ചി​ല്ല.