മൂവാറ്റുപുഴ: ജൂനിയർ ചേമ്പർ ഇന്റർനാഷണലിന്റെ എറണാകുളം, ഇടുക്കി, തൃശൂർ ജില്ലകൾ ഉൾപ്പെടുന്ന സോൺ 20വാർഷിക സമ്മേളനത്തിന് നാളെ മൂവാററുപുഴയിൽ തുടക്കമാവും. മൂന്ന് ദിവസങ്ങളിലായി മൂവാററുപുഴ നക്ഷത്ര കൺവെൻഷൻ സെന്ററിൽ ജെസിഐ മൂവാററുപുഴ റിവർവാലിയുടെ നേതൃത്വത്തിലാണ് സമ്മേളനം . മൂന്നു ജില്ലകളിലെ എൺപതോളം ചാപ്‌റ്ററുകളിൽ നിന്നായി 1500 പ്രതിനിധികൾ സമ്മേളനത്തിൽ പങ്കെടുക്കും. ഭാരവാഹികളുടെ സ്ഥാനാരോഹണം, വിവിധ കലാപരിപാടികൾ എന്നിവ നടക്കും
ശനിയാഴ്ച വൈകീട്ട് 5 മണിക്ക് വാർഷിക പൊതുസമ്മേളനം ആരംഭിക്കും. കേരള കൺസ്യൂമർ ഫോറം പ്രസിഡന്റ് ജസ്റ്റിസ് സുരേന്ദ്രമോഹൻ ഉത്ഘാടനം ചെയ്യും. സോൺ പ്രസിഡന്റ് രജനീഷ് അവിയൻ അദ്ധ്യക്ഷത വഹിക്കും. ഡീൻ കുര്യക്കോസ് എം.പി., എൽദോ എബ്രാഹം എം എൽ എ എന്നിവർ മുഖ്യാതിഥികളാകും. സച്ചിൻ കുർത്തികർ, കോൺഫറൻസ് ചെയർമാൻ സി.എസ്അജ്മൽ , പ്രോഗ്രാം ഡയറക്ടർ ടാജസ് കൊച്ചിക്കുന്നേൽ എന്നിവർ പ്രസംഗിക്കും. വിവിധ മേഖലകളിൽ മികച്ച പ്രവർത്തനം നടത്തിയ വയലിനിസ്റ്റ് ശബരീഷ് പ്രഭാകർ, ദേശീയ സിനിമാ അവാർഡ് ജേതാവ് ജോജു ജോർജ്, മാദ്ധ്യമപ്രവർത്തക സുജയ്യ പാർവതി, യുവസംരംഭകൻ ലിജു സാജു, പ്രശസ്ത ഫർണീച്ചർ വ്യാപാരി ബിനു ഇറമ്പത്ത്, റേഡിയോ ജോക്കി ജോസഫ് അന്നംകുട്ടി ജോസ്, സിനിമാ സീരിയൽ താരം സ്വാസിക, മികച്ച പൈനാപ്പിൾ കർഷകൻ ആന്റണി വെട്ടിയാങ്കൽ, പൈനാപ്പിൾ വ്യാപാരി ജോസ് പെരുമ്പിളളിക്കുന്നേൽ, കോൺട്രാക്ടർ സാബു ചെറിയാൻ മടേയ്ക്കൽ എന്നിവരെ സമ്മേളനത്തിൽ ആദരിക്കും. കോൺഫറൻസ് ചെയർമാൻ അജ്മൽ സി.എസ്, പ്രോഗ്രാം ഡയറക്ടർ ടാജസ് കൊച്ചിക്കുന്നേൽ, അഡ്വ. ജോണി മെതിപാറ, ജോർജ് ചെറിയാൻ, പ്രസിഡന്റ് ഫഗത് ബിൻ ഇസ്മയിൽ, സെക്രട്ടറി ജോബി മുണ്ടയ്ക്കൽ എന്നിവർ വാർത്താ സമ്മേളനത്തിൽ പങ്കെടുത്തു.