തൃക്കാക്കര : പുതി​യ തൃക്കാക്കര നഗരസഭാധ്യക്ഷ തിരഞ്ഞെടുപ്പ് ഇരുമുന്നണികൾക്കും ഭാഗ്യ പരീക്ഷണമാകും.
ഇരുമുന്നണി​കൾക്കും 21വീതം അംഗങ്ങളായതി​നാൽ ഇനി​ നറുക്കെടുപ്പാണ് ആശ്രയം.

അധ്യക്ഷ തിരഞ്ഞെടുപ്പിൽ അജിത തങ്കപ്പനും (കോൺഗ്രസ്) കെ.കെ.നീനുവിനും(സി.പി.എം) ആകും ആദ്യ പരിഗണന.

നഗരസഭയി​ൽ യു.ഡി.എഫിന്റെ റീത്ത്

കോൺഗ്രസിൽ നിന്നു കൂറുമാറി നഗരസഭാധ്യക്ഷയായ ഷീല ചാരുവിനെ അയോഗ്യയാക്കിയതിൽ ആഹ്ലാദം പ്രകടിപ്പിച്ചു യു.ഡി.എഫ് പ്രകടനം നടത്തി.നഗരസഭയ്ക്കു മുമ്പിൽ റീത്തു വച്ചു. പടക്കവും പൊട്ടി​ച്ചു. സമ്മേളനം കോൺഗ്രസ് ബ്ലോക്ക് പ്രസിഡന്റ് നൗഷാദ് പല്ലച്ചി ഉദ്ഘാടനം ചെയ്തു. മണ്ഡലം പ്രസിഡന്റ് എം.ഒ.വർഗീസ് അധ്യക്ഷത വഹിച്ചു.ഷാജി വാഴക്കാല,എം.ടി.ഓമന,അജിത തങ്കപ്പൻ,സീന റഹ്മാൻ,പി.എം.യൂസഫ്,വി.ഡി സുരേഷ് തുടങ്ങിയവർ പ്രസംഗിച്ചു.

ചെയർപേഴ്സൺ​ വാഴാത്ത നഗരസഭ

പുതി​യ കൗൺ​സി​ൽ നി​ലവി​ൽ വന്ന ശേഷം അഞ്ച് വനി​തകൾ ചെയർപേഴ്സൺ​മാരായി​.

• കെ.കെ നീനു (എൽ.ഡി.എഫ്) 7 .12. 2015 - 11.04. 2018
• മേരി കുര്യൻ (യു.ഡി.എഫ് ) (ഇൻചാർജ് ) 11.04.2018 -9.5.2018
• എം.ടി ഓമന (യു.ഡി.എഫ് ) 09.05.2018 - 27.11. 2018
• മേരി കുര്യൻ (യു.ഡി.എഫ് ) (ഇൻചാർജ് ) 27.11.2018 - 18.12.2018
• ഷീല ചാരു (എൽ.ഡി.എഫ് ) 18.12.2018 - 11.10.2019