കോലഞ്ചേരി: കോലഞ്ചേരി മെഡിക്കൽ കോളേജിൽ ലോക ആർത്രൈൈറ്റിസ് ദിനാചരണത്തിന്റെയും സുവർണ ജൂബിലി ആഘോഷങ്ങളുടെയും ഭാഗമായി സൗജന്യ മെഡിക്കൽ ക്യാമ്പ് ഇന്ന് നടക്കും. രാവിലെ 9.30 ന് സ്കിൽസ് ലാബിൽ നടക്കുന്ന ചടങ്ങിൽ പ്രൊഫ.എം.കെ. സാനു , ചലച്ചിത്ര താരം ശ്രുതി രാമചന്ദ്രൻ തുടങ്ങിയവർ മുഖ്യ അതിഥികളാകും. സന്ധിവേദനയും കാരണങ്ങളും എന്ന വിഷയത്തിൽ ബോധവത്കരണ സെമിനാർ നടക്കും. അഡ്വാൻസ്ഡ് ഓർത്തോപീഡിക്സ് വിഭാഗം തലവൻ ഡോ. സുജിത് ജോസിന്റെ നേതൃത്വത്തിൽ രോഗികളെ പരിശോധിക്കും. അസ്ഥിയുടെ ബലക്ഷയം പരിശോധിക്കുന്ന ബോൺ ഡെൻസിറ്റി ടെസ്റ്റ്, എക്സറേ എന്നിവ ഡോക്ടർമാരുടെ നിർദ്ദേശാനുസരണം സൗജന്യമായിരിക്കും. ക്യാമ്പിൽ നിന്ന് തിരഞ്ഞെടുക്കപ്പെടുന്നവർക്ക് കുറഞ്ഞ നിരക്കിൽ മുട്ടു മാറ്റിവയ്ക്കൽ ശസ്ത്രക്രിയ ചെയ്യും.