തൃപ്പൂണിത്തുറ :ബിവറേജസ് കോർപ്പറേഷന്റെ വി​ദേശ മദ്യ വിൽപന ശാലക്കെതിരെതൃപ്പൂണിത്തുറ രാജനഗരി യൂണിയൻ ഓഫ് റസിഡന്റസ് അസോസയേഷൻ (ട്രുറ) സമരം ശക്തമാക്കി . നാളെ വൈകിട്ട് 4 മണിക്ക് മദ്യശാലക്കു മുന്നിൽ ബഹുജന പ്രതഷേധ കൂട്ടായ്മനടത്തും . ഒരു ലക്ഷത്തിൽ താഴെ ജനസംഖ്യയുള്ള തൃപ്പൂണിത്തുറ നഗരസഭയിൽ നിലവിൽ അഞ്ച് ബാറുകളുംമൂന്ന് ബിയർ പാർലറും ഒരു ബിവറേജസ് മദ്യശാലയും പ്രവർത്തിക്കുന്നുണ്ട്. ഇതിനു പുറമെയാണ് കടവന്ത്രയിൽ പ്രവർത്തിച്ചു വന്നിരുന്ന വി​ദേശമദ്യവിൽപനശാല സംസ്ഥാന പാതയോരത്ത് തൃപ്പൂണിത്തുറ ചൂരക്കട് ജനവാസ കേന്ദ്രത്തി​ലേക്ക് മാറ്റി സ്ഥാപിച്ചത്. പണി പോലും പൂർത്തീകരിക്കാത്ത കെട്ടിടത്തിന്റെ ഒരു ഭാഗം മദ്യശാല തുടങ്ങാൻ വേണ്ടി മാത്രം നമ്പറിട്ടു നൽകിയ നഗരസഭ ജനങ്ങളെ പ്രക്ഷോഭത്തി​ലേക്ക് തള്ളിവിട്ടു. പ്രക്ഷോഭം കൂടുതൽ ശക്തമാക്കുവാൻ തൃപ്പൂണിത്തുറ രാജ നഗരി യൂണിയൻ ഓഫ് റസിഡന്റ്‌സ് അസോസയേഷൻ (ട്രുറ ) ദക്ഷിണമേഖലാ യോഗം തീരുമാനിച്ചു.ട്രൂറ ചെയർമാൻ വി.പി.പ്രസാദ് യോഗം ഉദ്ഘാടനം ചെയ്തു .മേഖലാ പ്രസിസന്റ് എൻ.ജി.മോഹനന്റെ അദ്ധ്യക്ഷത വഹിച്ചു . കൺവീനർ വി.സി. ജയേന്ദ്രൻ, സി.എസ്.മോഹനൻ ആർ കൃഷ്ണസ്വാമി, ഷീബ ജോസഫ്, എം. സന്തോഷ് കുമാർ, കലാ സുധാകരൻ, ജോസ് കോറോത്ത്, രാജപ്പൻ, ഇന്ദു.സി.നായർ, പി.ഗോപാലകൃഷ്ണൻ എന്നിവർ സംസാരിച്ചു