തൃപ്പൂണിത്തുറ :ബിവറേജസ് കോർപ്പറേഷന്റെ വിദേശ മദ്യ വിൽപന ശാലക്കെതിരെ സമരം ശക്തമാക്കി തൃപ്പൂണിത്തുറ രാജനഗരി യൂണിയൻ ഓഫ് റസിഡന്റസ് അസോസിയേഷൻ (ട്രുറ). ഇതിന്റെ ഭാഗമായി ഒക്ടോബർ 20ന് വൈകിട്ട് 4 മണിക്ക് മദ്യശാലക്കു മുന്നിൽ ബഹുജന പ്രതിഷേധ സംഘടിപ്പിക്കും.

ഒരു ലക്ഷത്തിൽ താഴെ ജനസംഖ്യയുള്ള തൃപ്പൂണിത്തുറ നഗരസഭയിൽ 5 ബാറുകളും 3 ബിയർ പാർലറും ഒരു ബിവറേജസ് മദ്യശാലയും പ്രവർത്തിക്കുന്നുണ്ട്. ഇതിനു പുറമെയാണ് കടവന്ത്രയിലെ വിദേശമദ്യവിൽപനശാല സംസ്ഥാന പാതയോരത്ത് തൃപ്പൂണിത്തുറ ചൂരക്കട് ജനവാസ കേന്ദ്രത്തിലേക്ക് മാറ്റി സ്ഥാപിച്ചത്.

പണി പോലും പൂർത്തീകരിക്കാത്ത കെട്ടിടത്തിന്റെ ഒരു ഭാഗം മദ്യശാല തുടങ്ങാൻ വേണ്ടി മാത്രം നമ്പറിട്ടു നൽകിയ നഗരസഭ ജനങ്ങളെ കബളിപ്പിച്ചു. ട്രുറ ട്രൂറ ചെയർമാൻ വി.പി.പ്രസാദ് യോഗം ഉദ്ഘാടനം ചെയ്തു .

മേഖലാ പ്രസിസന്റ് എൻ.ജി.മോഹനന്റെ അദ്ധ്യക്ഷത വഹിച്ചു . കൺവീനർ വി.സി. ജയേന്ദ്രൻ, സി.എസ്.മോഹനൻ ആർ കൃഷ്ണസ്വാമി, ഷീബ ജോസഫ്, എം. സന്തോഷ് കുമാർ, കലാ സുധാകരൻ, ജോസ് കോറോത്ത്, രാജപ്പൻ, ഇന്ദു.സി.നായർ, പി.ഗോപാലകൃഷ്ണൻ എന്നിവർ ദക്ഷിണമേഖലാ യോഗത്തിൽ സംസാരിച്ചു