കിഴക്കമ്പലം: സാന്ത്വന പരിചരണ ദിനാചരണത്തിന്റെ ഭാഗമായി പെരിങ്ങാല തണൽ പാലിയേ​റ്റീവ് കെയർ യൂണി​റ്റിന്റെ നേതൃത്വത്തിൽ വിവിധ രോഗികളുടെ വീടുകൾ സന്ദർശിച്ചു. തണൽ പാലിയേ​റ്റീവ് കെയർ യൂണി​റ്റ് പ്രവർത്തകർക്കൊപ്പം അമ്പലമേട് സബ് ഇൻസ്‌പെക്ടർ എൻ.എസ് റോയി, വടവുകോട് ബ്ലോക്ക് പഞ്ചായത്തഗം കെ.കെ രമേശ്, മാദ്ധ്യമ പ്രവർത്തകൻ സക്കറിയ പള്ളിക്കര എന്നിവരും വീടുകൾ സന്ദർശിക്കാൻ എത്തിയിരുന്നു. പാലിയേ​റ്റീവ് കെയർ യൂണി​റ്റ് പ്രസിഡന്റ് കെ.എ അബ്ദുൽ കരീം, സെക്രട്ടറി കെ.കെ മുഹമ്മദ്, എൻ.എച്ച് അൻസാർ, സൈനമ്പ മുഹമ്മദ്, ഷംല നസീർ എന്നിവർ നേതൃത്വം നൽകി. 30 ൽ പരം രോഗികളുടെ വീടുകളിൽ എത്തി ചികിത്സ നടത്തുന്നതായി പാലിയേ​റ്റീവ് പ്രവർത്തകർ പറഞ്ഞു