കൊച്ചി ; സംസ്ഥാന സർക്കാർ ഉടമസ്ഥതയിലുള്ള കെെരളി ക്രാഫ്റ്റ്സ് ബസാറിന്റെ നേതൃത്വത്തിൽ നടത്തുന്ന അഖിലേന്ത്യ കരകൗശല കെെത്തറി പ്രദർശന വിപണന മേളക്ക് ഇന്ന് എറണാകുളം മറെെൻഡ്രെെവിൽ തുടക്കമാകും.രാവിലെ 11 ന് ജില്ലാ കളക്ടർ എസ്.സുഹാസ് വിപണന മേള ഉദ്ഘാടനം ചെയ്യും. ഗാനരചയിതാവ് ആർ. കെ. ദാമോദരൻ, കൊച്ചി ആകാശവാണി ഡയറ്കടർ ലീലാമ്മ മാത്യു, എന്നിവർ മുഖ്യാതിഥികളാകും. കരകൗശല വികസന കോർപ്പറേഷൻ ചെയർമാൻ കെ.എസ്. സുനിൽകുമാർ, മാനേജിംഗ് ഡയറക്ടർ എൻ.കെ.മനോജ് , അസി. ഡയറക്ടർ ധനൂർ. സി.വി ശാഖാ മാനേജർ എൻ.ഡി. അരവിന്ദാക്ഷൻ. ബിജുമോൻ ജോസഫ് തുടങ്ങിയവർ പ്രസംഗിക്കും.കേരളമുൾപ്പെയെയുള്ള വിവിധ സംസ്ഥാനങ്ങളിൽ നിന്നുള്ള ഉല്പന്നങ്ങൾ ഉപഭോക്താക്കൾക്ക് നേരിട്ട് വാങ്ങാം.മേള 30 ന് സമാപിക്കും.