മൂവാറ്റുപുഴ: കല്ലൂർക്കാട് കോസ്‌മോ പോളിറ്റൻ ലൈബ്രറിയുടെ ആഭിമുഖ്യത്തിൽ വലരി കൊച്ചാപ്പു 37ാം ചരമവാർഷി​ക ദിനാചരണവും പ്രതിഭാ സംഗമവും എൽദോ എബ്രാഹം എം.എൽ.എ ഉദ്ഘാടനം ചെയ്തു. മുൻലൈബ്രേറിയൻമാരെ എൽദോ എബ്രഹാം എം.എൽ.എ ആദരിച്ചു. ഉന്നത വിജയം നേടിയ വിദ്യാർത്ഥികളെ പഞ്ചായത്ത് പ്രസിഡന്റ് ഷീന സണ്ണി ആദരിച്ചു. ലൈബ്രറി പ്രസിഡന്റ് ഡോ. ജോസ് അഗസ്റ്റ്യൻ അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ്സുജിത് ബേബി ,ലൈബ്രറി സെക്രട്ടറി ജോസ് ജേക്കബ്, അഡ്വ: ടാജ് കെ ടോം , അഡ്വ.ജേക്കബ് ജെ വട്ടക്കുഴി, ലൈബ്രറി വൈസ് പ്രസിഡന്റ് കെ.കെ.ജയേഷ് എന്നിവർ സംസാരിച്ചു. ദീർഘകാലം കല്ലൂർക്കാട് പഞ്ചായത്ത് പ്രസിഡന്റായിരുന്ന കൊച്ചാപ്പുവി​ന്റെ ശ്രമഫലമായാണ് കേരളത്തിന്റെ ഭൂപടത്തിൽ കല്ലൂർക്കാടിനെ അടയാളപ്പെടുത്തുന്നത്. തികച്ചും ഗ്രാമപ്രദേശമായ കല്ലൂർക്കാട് പഞ്ചായത്തിൽ സർക്കാർ ഓഫീസുകളും റോഡുകളും മറ്റ് സൗകര്യങ്ങളും ഒരുക്കുന്നതിൽ മുഖ്യപങ്ക് വഹിച്ചത് വാലരി കൊച്ചാപ്പു ചേട്ടനാണ് . ഗവ: ഗസ്റ്റ് ഹൗസ്, ട്രഷറി, പൊതുമരാമത്ത് ഓഫീസ്, സബ് രജിസ്ട്രാർ ഓഫീസ് , എ.ഇ.ഒ. ഓഫീസ്, കിടത്തിചി​കിത്സ അടക്കമുള്ള ഗവ. ആശുപത്രി, നാല് ഗവ. സ്‌ക്‌ളുകൾ, മൃഗാശുപത്രി തുടങ്ങി​ഒരു താലൂക്ക് ആസ്ഥാനത്തിന് വേണ്ട എല്ലാ സൗകര്യങ്ങളും ഒരുക്കുന്നതിൽ കൊച്ചാപ്പ് ചേട്ടന്റെ കൈയൊപ്പ് പതിഞ്ഞിട്ടുണ്ട്.