പറവൂർ : എസ്.എൻ.ഡി.പിയോഗം പൂയപ്പിള്ളി ശാഖയിലെ ഗുരുദേവ ക്ഷേത്രം പത്താമത് പ്രതിഷ്ഠാദിന മഹോത്സവം 20,21 തീയതികളിൽ നടക്കും. 20 ന് രാവിലെ 10ന് കളത്തിൽ ഷാജി ഭദ്രദീപം തെളിക്കും. 10.30ന് കായികമത്സരങ്ങൾ, വൈകിട്ട് അഞ്ചിന് പ്രതിഷ്ഠാദിന സമ്മേളനം വി.ഡി. സതീശൻ എം.എൽ.എ ഉദ്ഘാടനം ചെയ്യും. ശാഖാ പ്രസിഡന്റ് കെ.എസ്. രാധാകൃഷ്ണൻ അദ്ധ്യക്ഷത വഹിക്കും. ഹൈബി ഈഡൻ എം.പിക്ക് സ്വീകരണവും ഉപഹാര സമർപ്പണവും നടക്കും. പറവൂർ യൂണിയൻ പ്രസിഡന്റ് സി.എൻ. രാധാകൃഷ്ണൻ പ്രതിഷ്ഠാദിന സന്ദേശം നൽകും. വിദ്യാഭ്യാസ സ്കോളർഷിപ്പ് വിതരണം സൂനയന കൃഷ്ണൻ നിർവഹിക്കും. ശാഖാ സെക്രട്ടറി കെ.പി.രാധാകൃഷ്ണൻ, വൈസ് പ്രസിഡന്റ് എം.എൻ. പ്രദീപ്, പി.സി. നീലാംബരൻ, കെ.എ. ജോഷി, വി.എസ്. സന്തോഷ്, എൻ.എം. സന്ദീപ്, സുകൃഷ് കൃഷ്ണ, ഷാജി കളത്തിൽ, രമണി രവീന്ദ്രൻ, രതി ജോഷി, രേവതി അജീഷ്, ഒ.എസ്. വത്സൻ തുടങ്ങിയവർ സംസാരിക്കും.

ഏഴരക്ക് ചാക്യാർകൂത്ത്, പ്രതിഷ്ഠാദിനമായ 21ന് രാവിലെ ആറിന് നിർമ്മാല്യദർശനം, ഏഴിന് മഹാഗണപതിഹവനം, ഒമ്പതിന് ഗൂരുപൂജ, ഗുരുപുഷ്പാഞ്ജലി, പത്തിന് ഗുരുരത്നം ജ്ഞാനതപസ്വിയുടെ പ്രഭാഷണം, ഉച്ചയ്ക്ക് 12.30ന് അന്നദാനം, വൈകിട്ട് 6.30ന് കലാസന്ധ്യയോടെ സമാപിക്കും.