കിഴക്കമ്പലം: കുളമായി​ മാറി​യപട്ടിമറ്റം നെല്ലാട് റോഡിന്റെ മനയ്ക്കപ്പടി ഭാഗത്ത് കുഴിയടയ്ക്കാൻ നാട്ടുകാർ മുന്നിട്ടിറങ്ങി. ഇരു ചക്ര വാഹന യാത്രക്കാർ കുഴിയുടെ ആഴമറിയാതെ റോഡിലെ വെള്ളക്കെട്ടിലേയ്ക്ക് ഇറങ്ങുന്നതോടെ നിയന്ത്രണം തെറ്റി വീഴുകഇവി​ടെ പതി​വാണ്. ചെറു കാറുകളടക്കം അടി ഭാഗമുരഞ്ഞ് വാഹനങ്ങൾക്കുള്ള നാശ നഷ്ടവും പതിവായി​. കരാറുകാരനോട് താല്ക്കാലി​കമായെങ്കിലും കുഴി മൂടാൻ പറഞ്ഞു നോക്കിയെങ്കിലും നടന്നില്ല. മഴ മാറാതെ ചെയ്യാൻ കഴിയില്ലെന്ന മറുപടിയാണ് ലഭിച്ചത്. തുടർന്ന് നാട്ടുകാരനായ സിജുവും പഞ്ചായത്തംഗം കെ.എം സലീമും സുഹൃത്തുക്കളും ചേർന്ന് സ്വന്തം കൈയി​ൽ നിന്നും പണം മുടക്കി ജെ.സി.ബി വാടകയ്ക്കെടുത്ത് കുഴിയിലെ വെള്ളം പൊട്ടിച്ചു കളഞ്ഞ ശേഷം മെറ്റലിട്ട് താൽക്കാലി​കമായി കുഴിയടച്ചു. നേരത്തെ യാത്രക്കിട‌യിൽ കുഴിയിൽ വീണ് ബസ്സ് ആടിയുലഞ്ഞതിന്റെ പേരിൽ ഡ്രൈവർക്ക് മർദ്ദനമേൽക്കേണ്ടി വന്നത് ഇവിടെ വച്ചാണ്.റോഡ് പണിയ്ക്ക് തടസമായി നിന്ന റോഡരി​കിലെ മരങ്ങൾ വെട്ടി മാറ്റാൻ ടെൻഡർ നടപടികളായെങ്കിലും മുന്നോട്ട് നീങ്ങി​യി​ല്ല. പണിയിലെ മെല്ലെപ്പോക്കു നയം ഈ വഴിയുള്ള യാത്ര ദുരിതമാക്കുകയാണ്. റോഡിലുള്ള മുഴുവൻ കുടിവെള്ള പൈപ്പുകൾ മാറ്റി സ്ഥാപിക്കാനും പദ്ധതിയുണ്ട് .

. റോഡ് പണി ക്ക് അനുവദി​ച്ച ത്30.91 കോടി

ഇരു ചക്ര വാഹന യാത്രക്കാർ

കുഴിയുടെ ആഴമറിയാതെ വീഴുന്നു