കൊച്ചി: കൊച്ചി അമൃത സ്‌കൂൾ ഒഫ് ആർട്‌സ് ആൻഡ് സയൻസസിൽ സംഘടിപ്പിച്ച ശില്പശാല "സമീക്ഷ"ക്ക് സമാപനം. ഭാരതീയ കലകളെയും സംസ്‌കാരത്തെയും പരിപോഷിക്കുകയും വരും തലമുറക്ക് അതിന്റെ ശേഷിപ്പുകൾ പകർന്നു നൽകുക എന്ന ഉദ്ദേശത്തോടെയാണ് ഡൽഹി ആസ്ഥാനമായി പ്രവർത്തിക്കുന്ന സാംസ്‌കാരിക സന്നദ്ധ സംഘടനയായ സ്പിക് മക്കെയുടെ ആഭിമുഖ്യത്തിൽ ആറു ദിവസം ശില്പശാല സംഘടിപ്പിച്ചത്. പതിനൊന്നു കലാരൂപങ്ങളിലാണ് ഇത്തവണ പരിശീലനം നൽകിയത്. ഇടപ്പള്ളി അജിത് (കർണാടകം സംഗീതം), ശ്രുതി ബോഡെ (ഹിന്ദുസ്ഥാനി സംഗീതം), ഫാക്ട് ജയദേവ വർമ്മ (കഥകളി) , മീര ശ്രീനാരായണൻ (ഭരതനാട്യം), ശ്രീവിദ്യ അങ്ങേരെ (കുച്ചുപ്പുഡി), കോമള ഖുശ്വാനി (കഥക്), വിശ്വനാഥ പുലവർ (തോല്പാവക്കൂത്ത് ), കൃഷ്ണൻ.കെ.എസ് (മ്യൂറൽ പെയിന്റിംഗ്), ഡോ.സി.എസ് ജയരാമൻ (ക്ലേ മോഡലിംഗ്) എന്നിവരാണ് സോദാഹരണ ക്ലാസുകൾ എടുത്തത്. സ്പിക് മക്കെ,കോർഡിനേറ്റർ ഉണ്ണിവാര്യർ, അമൃത സ്‌കൂൾ ഒഫ് ആർട്‌സ് ആൻഡ് സയൻസസ്

ഡയറക്ടർ ഡോ യു.കൃഷ്ണകുമാർ എന്നിവരാണ് പരിപാടികൾക്ക് നേതൃത്വം നൽകിയത്.