മൂവാറ്റുപുഴ: അപകടത്തിൽ മരിച്ച തടിപ്പണി തൊഴിലാളിപേഴയ്ക്കാപ്പിള്ളി പുന്നോപ്പടി കൂരിക്കാവ് പൂച്ചകണ്ടത്തിൽ ബിനു വിന്റെ(45) കുടുംബത്തെ സഹായിക്കാൻ നാടൊന്നിക്കുന്നു.ഒക്ടോബർ ഒന്നിന് മരത്തിന് മുകളിൽ കയറി നിന്ന് തടിമുറിക്കുന്നതിനിടെ അബദ്ധത്തിൽ താഴെ വീഴുകയായിരുന്നു. ഉടൻ കോലഞ്ചേരി ,കോട്ടയം മെഡിക്കൽ കോളേജ് ആശുപത്രികളിൽപ്രവേശിപ്പിച്ചുവെങ്കിലുംരക്ഷിക്കാനായില്ല. നിർദ്ധന കുടുംബാംഗമായ ബിനുവിന് ഭാര്യയും മൂന്ന് പെൺമക്കളുമുണ്ട്. . ബ്ലോക്ക് പഞ്ചായത്ത് മെമ്പർ പായിപ്ര കൃഷ്ണൻ ചെയർമാനും ഗ്രാമപഞ്ചായത്ത് മെമ്പർ ആമിന മുഹമ്മദ് റാഫി കൺവീനറും, ലൈബ്രറികൗൺസിൽ പഞ്ചായത്ത് നേതൃസമതി കൺവീനർ ഇ.എ.ഹരിദാസ് ട്രഷററുമായി നാട്ടുകാരുടെ നേതൃത്വത്തിൽ ബിനു കുടുംബ സഹായ സമിതി രൂപീകരിച്ചു.കേരള ഗ്രാമീണ ബാങ്കിന്റെ മൂവാറ്റുപുഴ വാഴപ്പിള്ളി ബ്രാഞ്ചിൽ ബിനു കുടുംബ സഹായസമിതിയുടെ പേരിൽ അക്കൗണ്ട് തുറന്നിട്ടുണ്ട്. അക്കൗണ്ട് നമ്പർ 40533101021152. ഐ.എഫ്.എസ്.സി കോഡ് കെഎൽജിബി 0040533. ഫോൺ 9447212857, 9496824485