ചോറ്റാനിക്കര :എസ്.എൻ.ഡി.പി യോഗം തലയോലപ്പറമ്പ്‌ കെ.ആർ.നാരായണൻ സ്മാരക എസ്.എൻ.ഡി.പി യൂണിയന്റെ ആഭിമുഖ്യത്തിൽ നടന്ന പ്രീ മാര്യേജ്‌ കൗൺസിലിംഗ്‌ കോഴ്‌സിന്റെ സമാപനസമ്മേളന ഉദ്ഘാടനവും സർട്ടിഫിക്കറ്റ് വിതരണവും യൂണിയൻ സെക്രട്ടറി അഡ്വ. എസ്.ഡി.സുരേഷ് ബാബു നിർവഹിച്ചു. കീച്ചേരികുലയറ്റിക്കര ശാഖാ(അരയൻകാവ് )ആഡിറ്റോറിയത്തിൽ നടന്ന ചടങ്ങിൽ യൂണിയൻ പ്രസിഡന്റ് ഇ.ഡി. പ്രകാശൻ അദ്ധ്യക്ഷത വഹിച്ചു. പി.കെ.വേണുഗോപാൽ ഐ.ആർ.എസ്. മുഖ്യാതിഥി ആയി.ഡോ:ശരത് ചന്ദ്രൻ വിഷയാവതരണം നടത്തി. യൂണിയൻ വൈസ് പ്രസിഡന്റ് രഞ്ജിത് രാജപ്പൻ ,.വനിതാസംഘം പ്രസിഡന്റ് പദ്മിനിതങ്കൻ, സെക്രട്ടറിസുലഭസജീവ്, കൗൺസിലർ സുനി അജിത് , അജീഷ് കുമാർ, രഞ്ജിത്ത് മൂലമ്പുറം,ബിനു വെളിയനാട്, തുടങ്ങിയവർ സംസാരിച്ചു.