മൂവാറ്റുപുഴ: എടിഎമ്മിന്റെ ചില്ല് അടിച്ച് തകർത്ത ഇതരസംസ്ഥാനക്കാരനെ മൂവാറ്റുപുഴ പൊലീസ് അറസ്റ്റ് ചെയ്തു. പശ്ചിമബംഗാൾ സ്വദേശി ദീപക് ബർമാൻ (28) ആണ് പ്രതി​. ചൊവ്വാഴ്ച രാത്രിയാണ് സംഭവം.

കീച്ചേരിപ്പടിയിലെ പഞ്ചാബ് നാഷണൽ ബാങ്കിന്റെ എ.ടി.എം കൗണ്ടറിൽ കയറി ചില്ലുകൾ തകർക്കുകയായിരുന്നു. ബഹളംകേട്ട് ഓടിയെത്തിയ നാട്ടുകാരാണ് ഇയാളെ കയ്യോടെ പിടികൂടിയത്. മോഷണമാണോ ലക്ഷ്യമെന്ന് പരിശോധിച്ചുവരികയാണെന്ന് പൊലീസ് പറഞ്ഞു. പ്രതിയെ റിമാൻഡ് ചെയ്തു.