കുറുപ്പംപടി: സെന്റ് മേരീസ് പബ്ലിക്ക് സ്‌ക്കൂളിൽ പ്രവർത്തിക്കുന്ന സോഷ്യൽ സർവീസ് ക്ലബ്ബിന്റെ ആഭിമുഖ്യത്തിൽ പ്ലാസ്റ്റിക് വിമുക്ത ക്യാംപസ് പദ്ധതി സ്‌ക്കൂൾ മാനേജർ എൽബി വർഗീസ് ഉദ്ഘാടനം ചെയ്തു. കുട്ടികളുടെ നേതൃത്വത്തിൽ സ്‌ക്കൂൾ പരിസരം ശുചീകരിച്ചു. കുമാരി മെറിൻ കുര്യാക്കോസ് പ്ലാസ്റ്റിക് വിമുക്ത പ്രതിജ്ഞ വാചകം ചൊല്ലി കൊടുത്തു. ഫാ. ജോർജ് നാരകത്തുകുടി, സിനി വി. ജോർജ് , ലിസി പി.എം, ഓൾവിൻ പ്രിൻസ് അനിൽ, സോന സൂസൻ എൽദോസ്, കുമാരി ഡോണ വർഗീസ് എന്നിവർ പ്രസംഗിച്ചു.