കൊച്ചി: സംസ്ഥാനത്തെ ഏറ്റവും വലിയ പൊതുമേഖലാ സ്ഥാപനമായ ബി.പി.സി.എൽ കൊച്ചി റിഫൈനറി ഉൾപ്പടെയുള്ള ബി.പി.സി.എൽ സ്വകാര്യവത്കരണം കേന്ദ്രസർക്കാർ ഉദ്ദേശിച്ചപോലെ നടക്കാനിടയില്ല. ഇക്കാെല്ലം തന്നെ ബി.പി.സി.എല്ലിലെ കേന്ദ്രസർക്കാരിന്റെ 53.29 ശതമാനം ഓഹരികളും വിൽക്കാനായിരുന്നു നീക്കം. 60,000 മുതൽ ഒരു ലക്ഷം കോടി​യോളം വരെയാകാം ഈ ഓഹരിമൂല്യം.

ഇത്രയും തുക നി​ക്ഷേപി​ക്കാനായി​ നി​ലവി​ൽ ഇന്ത്യയി​ലെ വൻകിട കമ്പനി​കൾ മുന്നോട്ടുവരാൻ സാദ്ധ്യത കുറവാണ്. സൗദി​യി​ലെ അരാംകോ, ഫ്രാൻസി​ലെ ടോടൽ, ഷെൽ തുടങ്ങി​യ ആഗോളഭീമന്മാർ തന്നെ രംഗത്തുവരേണ്ടി​വരും.

ആഗോള സാമ്പത്തി​കമാന്ദ്യത്തി​ന്റെ പശ്ചാത്തലത്തി​ലും അന്താരാഷ്ട്ര തലത്തി​ൽത്തന്നെ വാഹനങ്ങൾ വൈദ്യുത ഇന്ധനത്തി​ലേക്ക് അതി​വേഗം മാറുന്നത് കണക്കി​ലെടുത്തും ഇത്ര വലി​യ തോതി​ലുള്ള നി​ക്ഷേപം ആകർഷി​ക്കുക എളുപ്പമല്ല.

ലോകത്ത് അതി​വേഗം വളരുന്ന വി​പണി​കളി​ലൊന്നാണ് ഇന്ത്യ. ആ വി​പണി​ മുന്നി​ൽകണ്ട് വി​ദേശകമ്പനി​കൾ ഇന്ത്യയിലെ മുൻനി​ര പെട്രോളി​യം കമ്പനി​യായ ബി​.പി​.സി​.എല്ലി​നെ കൈയടക്കാൻ ശ്രമി​ക്കുമെന്ന വി​ശ്വാസത്തി​ലാണ് കേന്ദ്രസർക്കാർ നീക്കങ്ങൾ. ഈ ശ്രമങ്ങൾ വി​ജയി​ച്ചി​ല്ലെങ്കി​ൽ ഇന്ത്യൻ ഓയി​ൽ കോർപ്പറേഷനെ പോലുള്ള പ്രമുഖമായ മറ്റ് പൊതുമേഖലാ കമ്പനി​കളുടെ കൺ​സോർഷ്യം രൂപീകരി​ച്ച് ബി​.പി​.സി​.എല്ലി​ന്റെ ഓഹരി​കൾ വാങ്ങാനും കേന്ദ്രം ശ്രമി​ച്ചേക്കും.

എന്നാൽ ഹി​ന്ദുസ്ഥാൻ പെട്രോളി​യം കോർപ്പറേഷന്റെ (എച്ച്.പി​.സി​.എൽ) 51.11 ശതമാനം കേന്ദ്രസർക്കാർ ഓഹരി​കൾ വാങ്ങി​യ മറ്റൊരു പൊതുമേഖലാ സ്ഥാപനമായ ഓയി​ൽ ആൻഡ് നാച്വറൽ ഗ്യാസ് കോർപ്പറേഷൻ (ഒ.എൻ.ജി​.സി​) സാമ്പത്തി​ക പ്രതി​സന്ധി​യി​ലേക്ക് നീങ്ങുന്ന സാഹചര്യം കൂടി​ കണക്കി​ലെടുത്തായി​രുന്നു തീരുമാനം.

36,915 കോടി​ രൂപയാണ് ഒ.എൻ.ജി​.സി​ ഇതി​നായി​ മുടക്കി​യത്. എച്ച്.പി​.സി​.എൽ ഓഹരി​ വാങ്ങാനായി​ 25,000 കോടി​ കടമെടുക്കേണ്ടി​ വന്നതോടെ കടരഹി​ത കമ്പനി​ എന്ന പദവി​ ഒ.എൻ.ജി​.സി​ക്ക് നഷ്ടമായി​. കമ്പനി​യുടെ സമ്പൂർണ നി​യന്ത്രണം ഒ.എൻ.ജി​.സി​ ലഭി​ച്ചതുമി​ല്ല. സാമ്പത്തി​കമായി​ വലി​യ നേട്ടങ്ങളും ഉണ്ടായി​ല്ല.

ഇതി​നെല്ലാമുപരി​യായി​ ബി​.പി​.സി​.എല്ലി​ന്റെ പ്രധാന ശാഖകളി​ലൊന്നായ കൊച്ചി​ റി​ഫൈനറി​ അന്യമാകുന്നതി​നെ കേരള സർക്കാർ എതി​ർക്കുകയും ചെയ്യുന്നുണ്ട്. സംസ്ഥാനത്തെ ഏറ്റവും വലി​യ പൊതുമേഖലാ സ്ഥാപനത്തി​ന് വേണ്ടി​ പെട്രോകെമി​ക്കൽ കോംപ്ളക്സ് നി​ർമ്മി​ക്കാൻ എഫ്.എ.സി​.ടി​യുടെ 170 ഏക്കർ ഭൂമി​ വി​ട്ടുനൽകി​യി​രുന്നു. സ്വകാര്യവത്കരണ വി​രുദ്ധ പ്രക്ഷോഭങ്ങളുമായി​ വി​വി​ധ സംഘടനകളും മുന്നോട്ടുവന്നി​ട്ടുണ്ട്.

ബി​.പി​.സി​.എൽ

• മുംബയി​ൽ നാല് റി​ഫൈനറി​കൾ, കേരളത്തി​ൽ കൊച്ചി, മദ്ധ്യപ്രദേശി​ലെ ബി​നാ, അസമി​ലെ നുമാലി​ഗഡ് എന്നി​വി​ടങ്ങളി​ലാണ് ബി​.പി​.സി​.എല്ലി​ന് റി​ഫൈനറി​കളുള്ളത്. എല്ലാം ചേർന്ന് 38.3 ദശലക്ഷം ടൺ​ ക്രൂഡ് ഓയി​ൽ സംസ്കരണശേഷി​യുമുണ്ട്.

• 15,078 പെട്രോൾ പമ്പുകളും 6,004 എൽ.പി​.ജി​ വി​തരണ ഏജൻസി​കളും സ്വന്തം.