മൂവാറ്റുപുഴ: റൂറൽ ജില്ലാ പോലീസിന്റെ ആഭിമുഖ്യത്തിൽ അന്നൂർ ഡെന്റൽ കോളേജിൽ ഡെന്റൽ വിദ്യാർഥിനികൾക്കായി സ്ത്രീ സുരക്ഷാ സ്വയംരക്ഷ പരിശീലന പരിപാടി നടത്തി. സ്ത്രീകൾക്ക് നേരെ വരുന്ന ഏത് ആക്രമത്തെയും നേരിടാൻ പ്രാപ്തരാക്കുക എന്ന ലക്ഷ്യമാണ് കേരളാ പോലീസിന്റെ സ്ത്രീ സുരക്ഷ സ്വയം രക്ഷാ പരിശീലന പദ്ധതിയിലൂടെ ഉദ്ദേശിക്കുന്നത്. പദ്ധതിയുടെ ഉൽഘാടനം മുവാറ്റുപുഴ പോലീസ് ഇൻസ്‌പെക്ടർ മുഹമ്മദ് എം. എനിർവ്വഹിച്ചു. ക്ലിനിക്കൽ സൈക്കോളജിസ്റ് ഡോ. വി. സജികുമാർ, വനിതാ സെൽ സബ് ഇൻസ്‌പെക്ടർ ഉഷ എ. എസ്, സീനിയർ സിവിൽപോലീസ് ഓഫീസർ സിന്ധു എം. കെ., സിവിൽപോലീസ് ഓഫീസർ അമ്പിളി എൻ. എം, ജിഷ ദേവി വി. ജെ. എന്നിവർ വിദ്യാർത്ഥിനികൾ ക്ക് നിയമ ബോധവത്ക്കരണവും സ്വയം രക്ഷ പരിശീലനവും നൽകി. കോളേജ് വൈസ് പ്രിൻസിപ്പാൾ ഡോ. ലിസ ജോർജ്, സർജറി വിഭാഗം അദ്ധ്യാപിക ഡോ. സുമേരി എബ്രഹാം എന്നിവർസംസാരിച്ചു .അന്നൂർ ഡെന്റൽ കോളേജിലെ വിദ്യാർഥിനികളും, വനിതാ അദ്ധ്യാപകരുമുൾപ്പടെ 150 പേർ പരിശീലന പരിപാടി യിൽ പങ്കെടുത്തു.