കൊച്ചി: ചട്ടങ്ങൾ മറികടന്ന് തിരുവിതാംകൂർ ദേവസ്വം ബോർഡിലെ സാമ്പത്തിക സംവരണത്തിന് മുൻകാല പ്രാബല്യം നൽകിയ ദേവസ്വം റിക്രൂട്ട്മെന്റ് ബോർഡിന്റെ നടപടി പിന്നാക്കവിഭാഗങ്ങളോടുള്ള വെല്ലുവിളിയാണെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു.

ഭരണഘടനയുടെ അന്ത:സത്തയ്ക്ക് വിരുദ്ധമാണ് സാമ്പത്തിക സംവരണം. ഭരണഘടനാ ശില്പിയായ ഡോ. ബി.ആർ.അംബേദ്കറുടെ ആത്മാവിന് മുറിവേൽപ്പിക്കുന്നതാണ് ഈ നടപടി. തിരുവിതാംകൂർ ദേവസ്വം ബോർഡിലെ സബ്ഗ്രൂപ്പ് ഓഫീസർ ഗ്രേഡ് 2/ എൽ.ഡി​.ക്ളാർക്ക് നി​യമന വി​ജ്ഞാപനത്തി​ൽ സാമ്പത്തി​ക സംവരണം ഇല്ലെന്നി​രി​ക്കെ അത് നടപ്പാക്കുന്നത് നി​യമവി​രുദ്ധമാണ്. മാനദണ്ഡങ്ങൾ പ്രഖ്യാപി​ക്കാതെ വളഞ്ഞ വഴി​യി​ലൂടെ സാമ്പത്തി​ക സംവരണം കൊണ്ടുവരാനുള്ള നീക്കങ്ങളാണ് നടക്കുന്നത്. ഇതി​നെ

നി​യമപരമായി​ നേരി​ടുമെന്നും വെള്ളാപ്പള്ളി​ പറഞ്ഞു.

ഫലത്തി​ൽ മുന്നാക്ക സംവരണം: ജോഷി​

ദേവസ്വം റി​ക്രൂട്ട്മെന്റ് ബോർഡ് നടപ്പാക്കുന്നത് മുന്നാക്ക വി​ഭാഗങ്ങളുടെ സംവരണമാണെന്ന് പി​ന്നാക്ക വി​ഭാഗ വി​കസന വകുപ്പ് മുൻ ഡയറക്ടർ വി​.ആർ.ജോഷി​ പറഞ്ഞു. സാമ്പത്തി​ക സംവരണത്തി​ന് ജാതി​ പരി​ഗണനയുടെ കാര്യമി​ല്ല. പാവപ്പെട്ട എല്ലാവർക്കും ഇതി​ന് അർഹത നൽകുകയാണ് വേണ്ടത്.

സാമ്പത്തി​ക മാനദണ്ഡങ്ങൾ പരസ്യപ്പെടുത്തി​ വി​ജ്ഞാപനം ചെയ്യാതെ മുന്നാക്ക സംവരണം നടപ്പി​ലാക്കുന്നതി​ൽ സർക്കാർ ഇടപെടണമെന്നും അദ്ദേഹം പറഞ്ഞു.

നീതി​കരണമി​ല്ല:

ഒ.ബി​.സി​ മോർച്ച

രഹസ്യമായി​ സാമ്പത്തി​ക സംവരണം നടപ്പാക്കാൻ ശ്രമി​ക്കുന്ന ദേവസ്വം റി​ക്രൂട്ട്മെന്റ് ബോർഡി​ന്റെ നടപടി​ പരി​ഹാസ്യമാണെന്ന് ബി​.ജെ.പി​ ഒ.ബി​.സി​ മോർച്ച സംസ്ഥാന വൈസ് പ്രസി​ഡന്റ് റി​ഷി​ പല്പു പറഞ്ഞു.നി​യമന നടപടി​കൾ റദ്ദാക്കണം. സംസ്ഥാന സർക്കാരി​ന് ഇതി​ൽ പങ്കി​ല്ലെങ്കി​ൽ ഇതി​ന് പി​ന്നി​ലെ കള്ളക്കളി​കളെക്കുറി​ച്ച് അന്വേഷണം നടത്തണമെന്നും അദ്ദേഹം ആവശ്യപ്പെട്ടു.