തൊടുപുഴ: ജില്ലാ സ്‌പോർട്സ് കൗൺസിൽ, ജില്ലാ സൈക്ലിംഗ് അസോസിയേഷൻ എന്നിവയുടെ ആഭിമുഖ്യത്തിൽ ജില്ലാ റോഡ് സൈക്ലിംഗ് ചാമ്പ്യൻഷിപ്പ് ഞായറാഴ്ച്ച തൊടുപുഴയിൽ നടത്തും. തൊടുപുഴ വെങ്ങല്ലൂർ മങ്ങാട്ടുകവല ബൈപാസ് റോഡിൽ രാവിലെ ഏഴിന് മത്സരങ്ങൾ ആരംഭിക്കും. പന്ത്രണ്ടിനും മുപ്പതിനും ഇടയിൽ പ്രായമുള്ള ആൺകുട്ടികൾക്കും പെൺകുട്ടികൾക്കും പങ്കെടുക്കാം. 19, 20 തിയതികളിൽ തിരുവനന്തപുരത്ത് നടക്കുന്ന സംസ്ഥാന റോഡ് സൈക്ലിംഗ് ചാമ്പ്യൻഷിപ്പിലേക്കുള്ള മത്സരാർഥികളെ ചാമ്പ്യൻഷിപ്പിൽ നിന്നും തെരഞ്ഞെടുക്കും. പങ്കെടുക്കാൻ താത്പര്യമുള്ളവർ 9447173843 എന്ന നമ്പരിൽ ബന്ധപ്പെടുകയോ വയസ് തെളിയിക്കുന്ന സർട്ടിഫിക്കറ്റ്, രണ്ട് പാസ്‌പോർട്ട് സൈസ് ഫോട്ടോ, സൈക്കിൾ, സ്‌പോർട്സ് കിറ്റ് എന്നിവയുമായി ആറിന് രാവിലെ വെങ്ങല്ലൂർ മങ്ങാട്ടുകവല ബൈപാസ് റോഡിൽ എത്തിച്ചേരുകയോ വേണമെന്ന് ജില്ലാ സെക്രട്ടറി അറിയിച്ചു.