തൊടുപുഴ: കർഷകർക്ക് കൃഷിഭവൻ വഴിയും വിവിധ ബാങ്കുകൾ വഴിയും ലഭ്യമാകുന്ന വിവിധ ധനസഹായ പദ്ധതികളെക്കുറിച്ച് മുതലക്കോടം സെന്റ് ജോർജ് പാരീഷ്ഹാളിൽ ചർച്ചാക്ലാസ് നടത്തി. നെൽകൃഷി, ജൈവപച്ചക്കറി, വാഴ, തെങ്ങ് തുടങ്ങിയ കൃഷികൾക്ക് നൽകുന്ന സഹായങ്ങളെക്കുറിച്ച് കൃഷി ഓഫീസർ തോംസൺ ജോഷ്വായും കർഷകർക്ക് കിസാൻ ക്രെഡിറ്റ് കാർഡ് വഴി ലഭ്യമാകുന്ന വായ്പകളെ കുറിച്ച് എസ്ബിഐ ഡെപ്യൂട്ടി മാനേജർ സുനിൽ തോമസും ക്ലാസ് നയിച്ചു. തൊടുപുഴ കൃഷിഭവൻ വികസന സമിതിയംഗം ജോസ് കിഴക്കേക്കരയുടെ അദ്ധ്യക്ഷതയിൽ ചേർന്ന യോഗം മുനിസിപ്പൽ കൗൺസിലർ കെ.എം. ഷാജഹാൻ ഉദ്ഘാടനം ചെയ്തു. ഫാ. ജോസഫ് അടപ്പൂര്, ഗാന്ധിദർശൻവേദി ജില്ലാ ചെയർമാൻ ആൽബർട്ട് ജോസ്, ടി.ജെ.പീറ്റർ, കെ.ശ്രീകുമാർ, ജൂണി ജോസ് എന്നിവർ പ്രസംഗിച്ചു.