ഇടുക്കി : ലോക ദുരന്തനിവാണ ദിനാചരണത്തിന്റെ ഭാഗമായി ജില്ലാ ദുരന്ത നിവാരണ അതോറിറ്റിയുടെയും വിവിധ ഏജൻസികളുടെയും ആഭിമുഖ്യത്തിൽ നെടുങ്കണ്ടം എംഇഎസ് കോളേജിൽ യോഗവും സെമിനാറും സംഘടിപ്പിച്ചു. കോളേജ് വൈസ് പ്രിൻസിപ്പൽ പ്രൊഫ. കെ. അബ്ദുൾ റസാഖിന്റെ അദ്ധ്യക്ഷതയിൽ ചേർന്ന യോഗം കട്ടപ്പന ഡിവൈ എസ്പി എൻ. സി. രാജ്‌മോഹൻ ഉദ്ഘാടനം ചെയ്തു. ഉദ്ഘാടന യോഗത്തിനു മുമ്പ് നടത്തിയ ഒപ്പുശേഖരണ പരിപാടി പാമ്പാടുംപാറ പഞ്ചായത്ത് പ്രസിഡന്റ് ആരിഫ അയൂബ് ഉദ്ഘാടനം ചെയ്തു. നെടുങ്കണ്ടം തഹസിൽദാർ നിജു കുര്യൻ മുഖ്യപ്രഭാഷണം നടത്തി. മുത്തൂറ്റ് ഫൈനാൻസ് റീജണൽ മാനേജർ സണ്ണി എം ജോസഫ്,വാർഡംഗം മിനി ടോമി, ഇൻഫർമേഷൻ അസി. എഡിറ്റർ എൻ. ബി. ബിജു, കോളേജ് എൻ. സി. സി. ഓഫീസർ റിഷാൻ, ജില്ലാ ദുരന്തനിവാരണ അതോറിറ്റി പ്രോജക്ട് ഓഫീസർ സി. കെ. അബ്ദുൾനൂർ, കോ ഓർഡിനേറ്റർ സിജോ തോമസ് എന്നിവർ സംസാരിച്ചു. പശ്ചിമഘട്ടത്തിലെ മണ്ണിന്റെ ഘടനയും മണ്ണിടിച്ചിലും എന്ന വിഷയത്തിൽ നടത്തിയ സെമിനാറിൽ കാലടി ശ്രീശങ്കര സർവകലാശാല ഭൗമശാസ്ത്ര വിഭാഗം അദ്ധ്യാപകൻ ഡോ. സരുൺ എസ്. ക്ലാസെടുത്തു.