കരിമണ്ണൂർ : ലൈഫ് മിഷൻ പദ്ധതി പ്രകാരം കരിമണ്ണൂർ ഗ്രാമപഞ്ചായത്തിൽ പൂർത്തീകരിച്ച വീടുകളുടെ താക്കോൽ ദാനവും നവീകരിച്ച കമ്മ്യൂണിറ്റി ഹാളിന്റെ ഉദ്ഘാടനവും പഞ്ചായത്ത് വക സ്ഥലത്തിന്റെ ഉടമസ്ഥാവകാശരേഖ കൈമാറലും നടത്തി. പദ്ധതികളുടെ ഉദ്ഘാടനം മന്ത്രി എംഎം മണി നിർവഹിച്ചു. കരിമണ്ണൂർപഞ്ചായത്ത് പ്രസിഡന്റ് ദേവസ്യ ദേവസ്യ അദ്ധ്യക്ഷനായിരുന്നു. . മഹാത്മാഗാന്ധിയുടെ 150 ആം ജന്മദിനത്തോടനുബന്ധിച്ച് നവീകരിച്ച കമ്മ്യൂണിറ്റി ഹാളിന്റെ ഉദ്ഘാടനവും ഭവന രഹിതരായ പട്ടികജാതി കുടുംബങ്ങൾക്ക് പുല്ലുമലയിൽ പഞ്ചായത്ത് വക സ്ഥലത്തിന്റെ ഉടമസ്ഥാവകാശ രേഖ കൈമാറലും മന്ത്രി എം എം മണി നിർവഹിച്ചു. ബ്ലോക്ക് പഞ്ചായത്ത് പ്രസിഡന്റ് മർട്ടിൽ മാത്യു, കരിമണ്ണൂർ ഗ്രാമപഞ്ചായത്ത് വൈസ് പ്രസിഡന്റ് നിസാമോൾ ഷാജി, ജില്ലാ പഞ്ചായത്ത് മെമ്പർ മനോജ് തങ്കപ്പൻ, വിഷ്ണു കെ ചന്ദ്രൻ, സി വി സുനിത, ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൻ ഗൗരി സുകുമാരൻ, ബ്ലോക്ക് പഞ്ചായത്ത് മെമ്പർ ബേസിൽ ജോൺ, രാജീവ് ഭാസ്‌കരൻ, ബിന്ദു പ്രസന്നൻ, സക്കീർ വി എ, സിബി കുഴിക്കാട്ട് ,ഡെയ്സി ജോഷി, കെ വി കുര്യാക്കോസ്, ബൈജു വറവുങ്കൽ, കെ പ്രവീൺ, പുഷ്പ വിജയൻ, സാജു ജോസഫ് തുടങ്ങിയവർ പ്രസംഗിച്ചു.