കുമളി: സംസ്ഥാന ജീവനക്കാർക്കായി എൻജിഒ യൂണിയൻ ജില്ലാ കമ്മിറ്റിയുടെ കലാസാംസ്‌കാരിക വിഭാഗമായ കനൽ കലാവേദിയുടെ ആഭിമുഖ്യത്തിൽ ജില്ലാ കലോത്സവം ഇന്ന് കുമളി അമരാവതി ഗവ എച്ച് എസിൽ വച്ച് നടക്കും. കലോത്സവം പുരോഗമന കലാസാഹിത്യ സംഘം ജില്ലാ സെക്രട്ടറി കെ ജയചന്ദ്രൻ ഉദ്ഘാടനം ചെയ്യും. തിരുവാതിരക്കളി, ഒപ്പന, നാടോടി നൃത്തം, മോണോ ആക്ട്, മിമിക്രി, ശാസ്ത്രീയ സംഗീതം, ലളിതഗാനം, മാപ്പിളപ്പാട്ട്, കവിതാപാരായണം, നാടൻപാട്ട്,പെൻസിൽ ഡ്രോയിംഗ്, ജലച്ചായം,കാർട്ടൂൺ,തബല,മൃദംഗം,ചെണ്ട,വയലിൻ, ഓടക്കുഴൽ, എന്നീ വിഭാഗങ്ങളിലാണ് മത്സരങ്ങൾ.നവംമ്പർ 10 ന് തിരുവല്ലയിൽ നടക്കുന്ന സംസ്ഥാന കലോത്സവത്തിന് മുന്നോടിയായാണ് ജില്ലാ കലോത്സവം സംഘടിപ്പിക്കുന്നത്.