ചങ്ങനാശേരി : എസ്.എൻ.ഡി.പി യോഗം ചങ്ങനാശേരി യൂണിയന് കീഴിൽ ഉന്നത വിജയം നേടിയ വിദ്യാർത്ഥികൾക്കായുള്ള മെറിറ്റ് അവാർഡ് വിതരണം ഇന്ന് ഉച്ചകഴിഞ്ഞ് 2.30 ന് മതുമൂല യൂണിയൻ ഹാളിൽ നടക്കും. കോട്ടയം അസി.കളക്ടർ ശിഖാ സുരേന്ദ്രൻ ഉദ്ഘാടനം നിർവഹിക്കും. കുമാരനാശാൻ 1919 ൽ രചിച്ച ദീപാർപ്പണ കൃതിയുടെ രചനാശതാബ്ദിയും ഇതോടനുബന്ധിച്ച് നടക്കും. കുറിച്ചി അദ്വൈതാശ്രമം മഠാധിപതി സ്വാമി ധർമ്മ ചൈതന്യ അനുഗ്രഹ പ്രഭാഷണം നടത്തും. യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. യോഗം ഡയറക്ടർ ബോർഡ് മെമ്പർ എൻ.നടേശൻ, നിയുക്ത ബോർഡ് മെമ്പർ സജീവ് പൂവത്ത് , യൂണിയൻ കൗൺസിൽ അംഗങ്ങൾ, വനിതാ സംഘം, യൂത്ത്മൂവ്മെന്റ്, കുമാരീസംഘം, ബാലജനയോഗം, വൈദിക സമിതി, സൈബർസേന ഭാരവാഹികൾ പങ്കെടുക്കും. യൂണിയൻ സെക്രട്ടറി സുരേഷ് പരമേശ്വരൻ സ്വാഗതവും, വൈസ് പ്രസിഡന്റ് പി.എം.ചന്ദ്രൻ നന്ദിയും പറയും.