പുഞ്ചവയൽ: ജെ.സി.ബി പണിക്കിടയിൽ മരം മറിഞ്ഞ് ശരീരത്ത് വീണ് പുഞ്ചവയൽ സ്വദേശിയായ യുവാവ് മരിച്ചു. പുഞ്ചവയൽ കടമാൻതോട് സ്വദേശി സജി അരയൻപാറ ആണ് മരിച്ചത്. കൂട്ടിക്കൽ കാവാലി റോഡിൽ ഉച്ചയ്ക്ക് 12 മണിയോടെയാണ് സംഭവം. കെട്ടിട നിർമ്മാണ ജോലിക്കായി ജെ സി ബി ഉപയോഗിച്ച് തെങ്ങ് പിടർത്തുന്നതിനിടയിൽ തെങ്ങ് സമീപത്തെ മരത്തിൽ വീണ് ശിഖരം ഒടിഞ്ഞ് സമീപത്ത് ജോലി ചെയ്യുകയായിരുന്ന മേസ്തിരിയുടെ ദേഹത്ത് വീഴുകയായിരുന്നു. മെഡിക്കൽ ട്രസ്റ്റ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല