കാഞ്ഞിരപ്പള്ളി : നിയോജകമണ്ഡലത്തിലെ വിവിധ പൊതുമരാമത്ത് റോഡുകളുടെ അറ്റകുറ്റപ്പണിക്കും കാലപ്പഴക്കത്താൽ അപകടാവസ്ഥയിലായ പാലങ്ങൾ പുനർനിർമ്മിക്കുന്നതിനുമായി 3 കോടി രൂപ അനുവദിച്ചതായി ഡോ.എൻ.ജയരാജ് എം.എൽ.എ അറിയിച്ചു. പൊതുമരാമത്ത് വകുപ്പിന്റെ ഫണ്ടിൽ നിന്ന് തുക അനുവദിക്കുന്നതിന് നിർദേശം സമർപ്പിച്ചതിന്റെ ഭാഗമായാണ് അനുമതി ലഭിച്ചത്. ടെൻഡർ നടപടികൾ പൂർത്തിയാക്കി ഉടൻ പണികൾ ആരംഭിക്കുമെന്ന് എം.എൽ.എ അറിയിച്ചു.

തുക അനുവദിച്ച റോഡുകൾ

വെട്ടിക്കാവുങ്കൽ കവളിമാവ് റോഡ് : 15 ലക്ഷം

പതിനഞ്ചാംമൈൽ കയ്യൂരി റോഡ് : 10 ലക്ഷം

പ്ലാക്കൽപടി വെള്ളാവൂർ റോഡ് : 20 ലക്ഷം

പത്തൊമ്പതാംമൈൽ ചിറക്കടവ് റോഡ് : 10 ലക്ഷം

നെടുങ്കുന്നം മൈലാടി റോഡ് : 20 ലക്ഷം

നെടുമാവ് അരുവിക്കുഴി റോഡ് : 30 ലക്ഷം

 പരുത്തിമൂട് കുളത്തൂർമൂഴി റോഡ് : 12 ലക്ഷം

വാകത്താനം കറുകച്ചാൽ റോഡ് : 18 ലക്ഷം

കാഞ്ഞിരപ്പള്ളി കണ്ണാശുപത്രി കുരിശുകവല റോഡ് : 5 ലക്ഷം

മണിമല പഴയിടം ചേനപ്പാടി റോഡ് : 10 ലക്ഷം

തുക അനുവദിച്ച പാലങ്ങൾ

കാവുകാട്ട് പാലം : 25 ലക്ഷം

പാട്ടുപാറ പാലം : 20 ലക്ഷം

മാക്കിയിൽ പാലം : 25 ലക്ഷം