കരുനാഗപ്പള്ളി: കാറും സ്കൂട്ടറും കൂട്ടിയിടിച്ച് സ്കൂട്ടർ യാത്രികൻ തിരുവല്ല, മതിൽഭാഗം പ്ലാന്തോട്ടിൽ വീട്ടിൽ ബാബുമോഹൻദാസ് (67) മരിച്ചു. ഇന്നലെ രാവിലെ ആറു മണിക്ക് പുതിയകാവിന് സമീപം ദേശീയപാതയിലാണ് അപകടം. കായംകുളം ഭാഗത്തേക്ക് പോകയായിരുന്ന കാർ എതിരെ വന്ന സ്കൂട്ടറിൽ ഇടിക്കുകയായിരുന്നുവെന്ന് ദൃസാക്ഷികൾ പറഞ്ഞു.തെറിച്ച് വീണ ബാബുമോഹൻദാസിനെ കരുനാഗപ്പള്ളി താലൂക്ക് ആശുപത്രയിൽ എത്തിച്ചെങ്കിലും ജീവൻ രക്ഷിക്കാനായില്ല.

ക്ഷേത്ര ദർശനത്തിന് വരുമ്പോഴാണ് അപകടം സംഭവിച്ചതെന്ന് പൊലീസ് പറഞ്ഞു.പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു. ഭാര്യ: അനിത. മക്കൾ: കിരൺബാബു (എയർക്രാഫ്റ്റ് എൻജിനീയർ, ഇൻഡിഗോ), അകുൺബാബു, (ഗൾഫ്), അനഘദാസ് (വിദ്യാർത്ഥി, പാല ബ്രില്യന്റ് കോളേജ്). സംസ്ക്കാരം ഇന്ന് ഉച്ചക്ക് 2 ന് വീട്ടുവളപ്പിൽ